النفس تأبى زلة افلان وفلان 0 والعفو طبع اعل الكرم والشهامه

النفس تأبى زلة افـــلان وفــلان= والعفو طبع اهل الكرم والشهامه
نكون في وجه المعادين عدوان= والمحترم يفرض علينا إحترامه
والناس ما نطلب من الناس غفران = نطلب من الله العفو والسلامه
والحال عسر ويسر وافراح واحزان= تناوب اظروف الزمان استلامه
وأشيل حملي لو هو أشكال وألوان = والهم يثقلنـــي لو انه اجرامه
لولاك يا نايف ليا جيـــت تعـــبان = ترهي علي في حبةٍ وابتسامه
وتضمني يا نور عيني بالــحضان = وتدخل علي قلبي تغير نظامه
وتفك في قلبي مغاليق بـيــــــبان = وتسطي على باب الزعل واقتحامه
ارضى على شانك ولوكنت زعلان = ويذكر علي فضل الصبر والتزامه
اوصيك كان انك تبى رفعة الشــــان = بالعلم يابن عيـــــد والاستقامه
اتبـــع نــــبيك في تعاليم الايــــمان = مثل المصلي يوم يتبع ايمامه
العلـــم يابن عـــــيد حياة الانسـان= يرفع مقاديره ويرفع مقامــــه
ترى الدعاء مقبول في بعض الحيان = بين الاذان وبين وقت الاقامـه
وانا اطلب المولى مفهم سليمان = يفهّـــمك بالدين كل الفهامـــه
ايحفّظك بالقلب ســـــنه وقرأن = تمشي على ارض الله وتقرا كلامه
اوصيك يانايف ليا جاك ضيفان = = خــلك كريماً من رجال الكرامــــه
وإن جاك من الناس عاني وشرها ن= أعرف ترى إن الوقت والفقر ضامه
الجود مايثر علـــى المال نقصـــان= وصعبا على بعض الرجال اعتصامه
واكمل حقوق الجار في كل ميزان = وصل معه بالطيب ذروة سنامــــه
والربع لك عزوه والخوان جنحان = ولا تنوصل من دون عزوه زعامه
والراى شورى بينك وبين الأخوان = وخذ النصيحه لاتصيبك غشامـــه
والعمر نوب ايروح في زلة السان = اوصــــــيك يابن عيد درك زمامه
احذر ترى للنفس نزغات شيطان = تروح لذتها وتـــــبقا الــــندامه
واختار لك من خيرة الناس صدقان = والا ردي الناس حذرك ليامــــه
ولا تطاوع الواشي ليا جاك عجلان = لوكان صايم لايغرك صيامـــــه
يظهر غلاك إن جيت ويحلف الاديان = وتطعــنك يومنك تقفي سهامــه
أبوك لا تــــبدي على ابوك خلان = خل اهتمامك فيه مثل اهتمامـــه
كم ليلة نمت انت وبوك ســــهران = يسهر على شان انت ليلك تنامه
واعرف ترى المحسن يجازى بالاحسان = في يوم يقصر ماتشيله عظامه
وصلاة ربـــــي عد هلال الأمزان= = = على شفيع الناس يوم القيامـــه

عيد بن قيضي البلوي