لقافه ... من علي البلوي..

احبتي ...


لا استطيع ان اسميها (رداً.. او ..مجاراه) لقصيدة اسعد السحيمي..


وليدة الساعه..


ولكن لقافه ابيكم تسامحوني عليها واعذروني...



وسموها كما تحبون ..

الا خذها نصيحه واستشاره=نصيحة جار مرسوله لجاره
بصيغ الك الكلام بلا كلافه = وابي منك تمعن بالعباره
انا قبلك تبعت الزين لما = تعب قلبي وبان بإ ندثاره
والى من لايمي يبدا بنصحي = تعذرت بأساليب الحضاره
وإذا قالو(علي) ياناس اقدم = بعدفرقا (........ ) بإنتحاره
فلا تقول ان الذي قد كان كذبه = ابيك تقول ابدع في قراره
اقول الزين لاعب في كياني = عليْ وطئه أشد من الزقاره
لوارسل جيش الاشواق (إ) لـ /بلاده = ويبدا ..في قليبـــه بالإغاره
رحم حال المولع في عيونه = وسكن داري ..وأبعد عن دياره
ولواهمس في وسط اذنه (احبك) = تمنى ليله بأول نهاره
ولو يدري بما له في قليبي = يجاوبني انا رهن الإشاره
حبيبي كل شي فيني حلاله = وسام الحب ناله في جداره
وحساد المحبه قالو..لازم = غداً يتجمع اعضاء الإداره
يعين عاذل الفرقى سريعاً = بدون مقابل او حتى اختباره
وقام العاذل بفنٍ وحنكه = تميز بالدها فوق الشطاره
حلف انه يزيد الكيل لامن = يشوف الزين غير في مساره
اسيد الكذب مع كبريت فتنه = وكربوهيدرات من القذاره
خلط كل الذي قد فات لما = بدا يتفاعل بطلعة بخاره
وإذا شاف المفاعل دون جدوى=يزيده حمض حقدٍ مع حراره
ولامن صار كل اللي في باله = كأنه من حضى بكرسي الوزاره
(تأيّن)طاقة الغيره بصدري = (جزيء)الهم ناشط في مداره
مشاعر لخبطت مقياس رختر = عجزيثبت على اية إشاره
الاياصاحبي تكفى طلبتك = قبل لا تحب صل الإستخاره
يخالجك الشعور اللي يبين = إذا كانت محبتك بطهاره
الاسلطان ثم احمد وعايد = ابستأذن بإسدال الستاره
لقافه طالعه مني ولكن = انا واسعد ترانا(عيال حاره)

علي البلوي

تسجيل حضور


ولي رجعة


.

الاخ علي


صح لسااانك

على هذه القصيده الرئعه


اللتي لا حظت بين ابياتها المامك الفيزيائي

ويقولو التخصص له دور في قصيده الشاعر

وقد تكون كذلك

في الختام ابدعت

ما شاء الله عليك


صح لسانك مره اخرى


تقبل ودي وتقديري وتحياتي

صح لسانك

ويعطيك العافيه

اجمل لقافه اخي علي ممكن نتلقف معكم
لكن انت واسعد في حاره
لا تجوا حاراتنا ونحن مانجي حاراتكم
وفقك الله ووفق اسعد والجميع
وسلطان يشوف الحل
ابدعت

.
اعتذر منك اخي الغالي .. فقد تلقفت ابي اعدل بالموضوع وحستة
.
.

الكبير دوماً علي ..
اااااااالله عليك ..
اجدت التلاعب والابداع بالكلمات .. وهي ليست بغريبة عليك
فصح لسانك ايها الراقي
وسلمت يمينك

.
دمت بود