مرحبا تدوي صدى صوت التراحيبْ بعاليـه
سُوْقْها صفر الدْلال وهيـل وبـن عمولهـا
مرحبا في وزن رضوى .. خيرَها سيّل واديه
لارعـد برّاقهـا مـن عرضهـا لا طولهـا
مرحبـا وتزيدنـا مبـدأ تربيـنـا علـيـه
مْن الْجدود اللي شهد صدر التاريخ فعولهـا
مرحبا وان قلتهـا شهـدٍ تشَّربنـا صافيـه
لاكـن لضيـف القبيلـه ياحلـو مدلولـهـا
مرحبـا باقولهـا واعيدهـا مـن دون ليـه
كنّها فـي حفلنـا الليلـه ربيـع فصولهـا
مرحبا كثر النجوم بهالفضا تـروح وتجيـه
كل نجمـه ودّهـا تعلـن معـايْ هطولهـا
ودّها تاقف هنا / مثلي وقافـي تبـوح فيـه
ودها تعلـن علـى لسانـي تعيـد تقولهـا
ودها ب اسم القبيله تعلـن القـول النزيـه
في ديار جهينـه وعـز المعانـي خيولهـا
مرحبا ترحيبة الجود بْسخى يمنـى راعيـه
مرحبا اصفى من عسل صافي وزهرْ سهولها
من قضاعه ولْقضاعه فخْرنا أولْـه وتاليـه
مجد وعز ودين وفكر ينـوّر كـل عقولهـا
من جهينه ولْبلي عـزوه ونخـوه تحتميـه
من قديـم المجـد يـدون فعلهـا بحلولهـا
مرحبا باللي حضر والله يبيّـض هاالوجيـه
كل القبايل من جهينه تحتفـي فـي قولهـا