سكرة الشوق لــ سعود كايد

سكرة الشوق

ياشوق جحتيني مثل جوح مسيوق=سيلٍ يجوح اللي بواديه ينساق
جحتيني وخليتي الجرح مفتوق=جرحٍ عميقٍ في خفيات الاعماق
ياشوق شوقي نابض الشوق مشقوق=بلٌي عروقي عند يبسات الارياق
ياشمعة الانوار يالمعة بروق=ياغيمة الامطار يانسمة اشواق
ياغضة الازهار ياغصن زملوق=ياجنة الانهار يانار الاحراق
أمس الضحى جيتك بشوقٍٍ على شوق=شوقٍ شقاويٍ شقيٍ بالاشواق
جلست انا وياك جلسه لها ذوق=الكاس بيدينا والاحساس دفاق
طحتي على صدري عقب سكرة الشوق=وانا على روضٍ به العشب شعاق
جنب الغدير اللي عليه الزهر طوق=في واحةٍ يسكر بها كل عشاق
يسكر بها وينسى غلا كل معشوق=إلا الحبيب اللي له القلب خفاق
ولحظة تعانقنا وسقنا النظر سوق=من غربي الدنيا لياحد الاشراق
شلتك بكفيني كماشيل غرنوق=شيلٍ بتمسيحٍ من الراس للساق
وحطيت جسمك حط برفوق برفوق=على شبيه الزل من خضر الاوراق
وقلبتك بحضني على كل طاروق=ضمٍ على رصٍ على كل مالاق
والكل منا صار حارق ومحروق=لين اللهب طفاه ترياق الارياق
وذقنا طراة الشف من صافي الذوق=عشرين ساعة بين ريقٍ وترياق
من حزة الضاحي لياحزة شروق=مرت علينا كنها ومض براق
هذا وهو شيٍ من الراس مخلوق=وشلون لو كانت حقيقه وتنذاق؟؟؟

بندر المساوي ..


لك القلب لاتحافنا بهذه المعاني الشعريه ..

أنا هُـنـا ارتويت شعراً ..

أطيب المُــنــى ،،

سلمان العرادي

الله الله
ابوكايد

كلمات في منتهى العذوبه

صح لسان ابوكايد
ومشكور اخوي بندر
على نقلها


تقبل
فائق احترامي وتقديري

عبدالله