فنجال وعلوم رجال

نقل موفق؛؛

ومجهود طيب تشكر عليه

يعطيك العافيه اخوي

قصيدة من شاعر كبير وهو الشاعر غازي بن عون يذكر بها القهوه ويصف طريقة سواتها -منقول

ياريف قلبـي للمساييـر قـم شـب ... وحط المناره فـي طويـل الضلالـي

عقب تشق لها لجزل الحطـب جـب ... وهات النجر وأحضر جـداد الدلالـي

ثلاث(ن)الهن راعي الكيـف يطـرب ... وسوطهـن ضمـر والآخـر جلالـي

وبطونهن ماخذن اسبوع(ن)عن الرب ... وجنوبهـن صفر(ن)تـلالا تـلالـي

والرابعـه ملقامـةٍ لونهـا أصهـب ... حيـث إنهـا للنـار دايـم تصالـي

ولاجبت كل شروطهـا اللـي تطلـب ... إجلـس عليهـن يازعيـم العيالـي

وإحمـس لنـا بريةٍحبهـا أشـهـب ... وبهارهـا هنـدي وماهـا زلالــي

وإعـرف تـرى قانونهـا مايخـرب ... وندارهـا ينقـى ومـاهـا يكـالـي

تـراه مايصلـح لهـا كـل مذهـب ... ولاتقبل الراضه ولا الاعـت جالـي

وليا حمست إحرص على حمسة الحب ... واعرف ترى الحمسه تبي وسع بالي

تاخذ على ادنى الجمر فتـره تقلـب ... لين العرق يطلـع سـوات اللوالـي

ومن يـوم يطلـع فالمبردلهـا كـب .... لين النـدار ان كـان فيهـا يشالـي

وليـا خـذت مقـدار للنجـر قـرب ... ودنه بصـوتٍ يسمعـه كـل غالـي

دنـه وخلـه للمسايـيـر يـجـذب .... لاقـام صوتـه للنشـامـى يـلالـي

يوحونـه الجيـران لاقـام يقـنـب .... ويجيك الاقصى والقصيـر الموالـي

وعقـب تـدق البـن لقـم وركـب .... لين انهـا تسمـح مـن الاجتوالـي

وقبل تبهرهـا عـن النـار تجـذب ..... وتركد شويه ليـن يصفـى الحثالـي

وبرويد في حدى المباهيـر تسكـب ... من عقب غال الهيـل فيهـا يهالـي

واعـرف ليابهرتـهـا يالمشـبـب .... تـراه يكفيهـا مـن النـار صالـي

ثم اجذها مـن يـوم بالهيـل تقلـب .... ومن يـوم تركـد صبهـا للرجالـي

حتى يجي الفنجـال منهـا لياصـب ... بين الشقار وبيـن لـون الشعالـي

ياأمّا أشقرٍ رايب مثل بـول الارنـب .... والا اشعـل يشبـه لـدم الغـزالـي

يطرب لها من كان للكيـف يشـرب .... كيف النشامى اللي من العيب خالـي

واعـرف تراهـا عـادةٍ ماتسـيـب .... ولاينتقدهـا إلا قصـيـر الحبـالـي

تـراك مـن كـل المناسـب معـرب ..... مابيـن جـدان وعمـام وخـوالـي

وابيـك عـن منهاجهـم ماتجـنـب ..... انكـان فكـنـك بـنـات الليـالـي

السلام عليكم ورحمة الله وبركاته
هذه ابيات من قصيدة للشاعره / نوير الشمران البلوي في القهوة.

تقول نوير

واقلبي اللي به هواجيس ترعاه=من رعيهن ما يمرح الليل لله
الله على فنجال وامقيسا ماه=واليا شربته تنتهي كل عله
البن عند اهله تقهويك ثنواه=وعند الشوايا مايقهويك كله
تقنع عن الشاوي ليا شفت مبناه=بيته كبير ولا يقيلك ظله

منقول(من ملتقى قبائل بلي)

مهل الرياحي ونجره منادي

بوقت من الاوقات الله لايعيد قشارته وجوعه ومثلكم خابرين كلش شحيح وبالذات القهوة اللي كانت كليفه وفوق هذا صعبه توفرها بوقت جوع وفقر .
هالسالفه صارت للشيخ مهل بن عتيق بن فيلان الرياحي البقمي ومعروف عنه الكرم والشجاعه واللي كانت نار مجلسه توقد من عقب الفجر حيث انه منصى لربعه واهل ديرته وضيوفهم واللي يقولون انه هو عقب الفجر يشب ضوه ويقرب نجره واللي اسمه منادي بسبة صوته اللي يدقه وينادي به جيرانه وربعه اللي من يسمعون هالصوت وهم يقوطرون لهم ويتقهون عنده وهالشي خلا صيته يتعدى للقبايل والديار اللي حولهم .
ومالدايم إلا وجهه سبحانه وتعالي وكلش يتغير ومن هالتغير هو احوال الشيخ مهل والدنيا اللي ماجت على كيفه وخلته يبيع نجره منادي و دلاله واضطر انه يشتري نجر خشبي ماله صوت ( ليته سماه طريم ) وبراد(ن) اسيود ونكس لربعه ومثل العاده يوم صلى الفجر وهو اللي يشب ضوه وين قهوته بس ماش ماحد جاه ولا سير عليه يتقهوى مثل العاده وهو اللي يضيق صدره ويكز لهم ولده حراز ويناديهم ويوم اجتمعوا وتقهووا قالهم وراكم تأخرتم علي ياجماعه ماجيتم تتقهوون قالوا له ياشيخ ماسمعنا صوت منادي وحسبناك مشغول قالهم ياجماعة الخير انا صار معي كيت وكيت ومثل ماتشوفون لا نجري منادي ولا دلالي عندي وهي اللي تتقلب عليه المواجع ويتهيض المسيكين ويقصد من حر مافيه ويقول :


يـا الله يـا للـي تجعـل النـور بــادي
يـا مطـلـع فالبـيـنـه والخـفـيـات

تفـرج همـوم تـدلـج فــي فـؤادي
والعـيـن عـيـت لا تخليـنـي آبـات

أنـا أحمـد اللـي عاضنـي فـي منـادي
بنجرن صموت( ن) ما يهيض بـالأصـوات

وشـريـت بــراد كـسـاه الـسـوادي
مـن عقـب هذيـك الــدلال العـذيـات

يا ( حراز ) مـا حنـا الرخـوم الزهـادي
حنـا هـل الطـالات فـي كـل الأوقـات

يـا زيـن فــوح ادلالـنـا بالقـنـادي
وليا هبطت أشتـري لهـا سبـع حاجـات

ويازيـن سـوقـه للوجـيـه الـبـوادي
بـن مصفـي مـا يجـي فـيـه خـلات

زال الولـد فـي شبـتـه لــه هــدادي
ورزقـه علـى الله مـا يفيـد التشـتـات

ليا ادرج لـه الله رزق مـا هـوب غـادي
وكثـر الحسايـف مـا تجيبـه ليـا فـات

منقول

صح لسان الشاعر و الشكر للناقل

أبو معتاد

الاخ : القصير

نقل في قمة الابداع

والله لايحرمنا من ابداعاتك وروياتك ونقلك للقصيد التراثي

شكرا لك ولاتعبت

تحياتي لك

صالح بن وقيان