ياليتنا يابلي اللي في السعوديه نقتدي بربعنا بلي اللي بمصر من ناحية التزويج وتمسكهم باللهجه وباللبس وبالعادات الاصيله
قبل اربعة شهور قابلت اثنين مصريين ويظهر عليهم انهم من بدو مصر ...
سألتهم من وين الاخوان قالو من مصر...
قلت حياكم الله ...
سألتهم عن القبيله لأنهم يشبهون ربعنا قالو حنا من قبيلة بلي ...
سبحان الله ...كان لقاء جميل ...
استمريت بالاسأله عليهم ...ويوم قلت لهم اني بلوي استانسوا وبدينا ندخل في خصوصيات القبيله
سألتهم عن افخاذهم حتى اعرف مدى علمهم في افخاذ بلي
قال واحد : انا من الرموث ... وقال الثاني : انا من العرادات ...
قلت ونعم فيكم وفي بلي جميع ...
سألتهم عن الفخوذ في مصر ذكروا تقريبآ معظم افخاذ بلي ...
وسألتهم عن اوضاعهم هناك واخبروني ان بلي في مصر مع بعضهم يد واحده واخبروني انهم متمسكين بعاداتهم الاصيله ...
ومن الاشياء اللي ذكروها وتعجبت منها يقولون حنا يابلي في مصر مانزوج اي رجال من خارج قبيلة بلي ...
واللي لاحظته عليهم ان اللهجه متقاربه مابين بلي السعوديه وبلي مصر ...
سبحان الله قبيلة بلي قبيله عريقه وقبيله طويله وعريضه لها تاريخ قديم مع هذا ليس لها ظهور اعلامي مع انتشارها في السعوديه ومصر والاردن والاندلس ...
اخيرآ لاندعوا للتعصب القبلي لكن نحب ان نعرف ربعنا وعلومهم ...
ودائمآ المقياس (ان اكرمكم عند الله اتقاكم )وليس القبيله
ياليتنا يابلي اللي في السعوديه نقتدي بربعنا بلي اللي بمصر من ناحية التزويج وتمسكهم باللهجه وباللبس وبالعادات الاصيله
والله ونعم بالجميع
مافهمت وشلون يشبهون ربعنا فينا مميزات خاصه
ياولد بلوي هل تظن انه يوجد استكر على جبهة الواحد منهم او قرون طالعه من راسه تبين انه بلوي ماتعرف شي اسمه الفراسه الشيبان اكثرهم يعرفون بالدم يعني الفراسه واللي انا شفتهم يشبهون ربعنا في اشكالهم و بداوتهم ولهجتهم وقد تصيب الفراسه وقد تخطئ لكن هذي المره اصابت وعلى فكره في احد الايام كنت بالديره وجاء مصري وجلس معنا في المزرعه وانا لاول مره اشوفه عرفت انه بلوي مباشره وكنت اظن انه من السعوديه لكن اخبروني الشباب انه من مصر 0ويشتغل في احد المزارع لهجته ماتأثرت بالهجات الاخرى...
افى البلوات لهم قرون توني ادري انا والله من اهل الشرقيه ما جيتكم
بس على فكره البلوات بمصر محرومين من كل شي حتى بالخدمات
والبلوات بالاردن هم محرومين واللحين اخذ حقوقهم
وش رايك بانتفاضه نسميها انتفاضة بلي
وسع صدرك
الذين يشاهدون الموضوع الآن: 1 (0 من الأعضاء و 1 زائر)
المفضلات