( .. لـلــشاعــر خلــيل إبـن هـــدلان .. )

/
\
/


مني إلى الشاعر / خليل إبن هدلان

سلام ياصل لك على أبيض البوك = سلام من راس المشاريف جاكا
سلام مثل الورد أقرب له ودوك = شم العبير وردّ منهو عطاكا
ياذيب يانسل الذيابه وأنا أخوك = جيتك على هيئة حروفي اباكا
ماجيت متعنطز ولاجيت مشروك = ولاجيت أبظهَر في قصيدي ملاكا
الله يسعد من على العز ربوك = والله يسعد صبحك وثم مساكا
جيتك بموجز إمن أللغاز لفيوك = والحل عندك وإن بغيته بغاكا
بنشدك عن شي ٍ بجيبك مهو علوك = دايم على أللي تعشقه به كواكا
وانشدك عن علم ٍ اذا جاك ممسوك = من واثق الخطوه يصيبك شكاكا
وأنشدك عن شي ٍ له ثقوب مبروك = يحفظ لك الما وإن عصرته رواكا
وأنشدك عن بيت ٍ ضعيف ٍ به شبوك = وإليا نفخته صار كله هلاكا
وأنشدك عن شي إيتعدا على الشوك = ولايجرحه لو يفتركبه إفتراكا
وأنشدك عن شي إشتريته ومملوك = وماتدّخله للدار مهما شراكا
وأنشدك عن ربع ٍ مع الليل خاووك = ولاجا نهارك أختفوا عن سماكا
وأنشدك عن جمله بلا نقوط وشكوك = وإليا نطقت الجمله الله معاكا
وأنشدك عن شي لا لبسته وشافوك = ماتشوفه يشوفه جميع ٍ يراكا
وأنشدك عن رجل ٍ نحيل ٍ وصعلوك = مايمشي إلا تضربه في عصاكا
خذهن يابن هدلان عشره وضافوك = وأنت المعزب والعشا من عشاكا
وخابرك ماتترك ضيوفك إذا جوك = تدهن شوارب من يجيك ولفاكا

أسعد السحيمي

صح الله لسانك

قصيده جزله مليئة بالألغاز الدسمه

بس احترت هي لك ولا للشاعر خليل

يعطيك العافية

صح لسانك يابو إبراهيم ..

اطربت ناظرنا بقرائتها ورب النعم

صح الله لسانك

قصيده جزله مليئة بالألغاز الدسمه

بس احترت هي لك ولا للشاعر خليل

الشاعر الجميل / ثامر ظميان البلوي

صح بدنك ..

اسعدني مرورك النقي وتصدرك العذب ,,

القصيده موجهه مني إلى الشاعر خليل ..

اشكرك من القلب ..


ودمت للشعر سيدي ..

أخوك / أسعد السحيمي

يعطيك العافية

الفتى العصباني

الله يعافيك يارب..

اسعدني مرورك العذب ..

دمت كما انت شامخ ..

محبتي ,,

أسعد السحيمي