الضربه الذباحه

بسم الله الرحمن الرحيم

اعتذر عن انقطاعي للفتره الماضيه


وعدم تواجدي لظروف خاصه


آمل من الجميع قبول هذه القصيده

الغزال اللي تعذبني وهي مرتاحه=مادرت عن شوقي وحبي لها وجناني
سالمه من ليل الاوهام وغموض اشباحه=غافله عني وانا ياطول ليل اشجاني
استعيد بحبها وقتي واعيد اصلاحه=وانتهي بغيابها من قصه وتبداني
حسنها مثل البحر ما يامنه سباحه=ابتليته بالنظر وبمده استدعاني
لين طحت وتحت رحمة عينها الذباحه=استدر العطف منها وهي بعالم ثاني
اعترضت دروبها عاشق وجت سواحه=تقطف من ورودي وتاطا على حرماني
تحسب ان الله خلقني للعذارى واحه=وكل عذرى من هيامي تستبيح اغصاني
ماقرت عن سيرة البستان في فلاحه=يوم عدت من ثرى قلبي على بستاني
والغصون اللي تنامت في رجا تفاحه=ما اخضرت لولا غلاها في محل وجداني
حبها وسم الربيع بخاطري وارباحه=آه لوتدري عن اللي في خفايا اركاني
لو تشم ازهاري اللي بالغلا فواحه=يمكن ترد اعتبار ورودي وريحاني
بس ماهي للمحبه والغلا لماحه=او هي تحاول تجاهل حبي وتنساني
ان تناستني ذكرت جروحي النضاحه=وان بقيت فبالها نسيت كل احزاني!
هذي اللي تسعد القلب وتزيد افراحه=هذي اللي كلها عطف وشعور انساني
هذي اللي لابسه تاج الحلا ووشاحه=هذي اللي من نقاها جوها روحاني
هذي اللي تحفظ الملح وتزيد املاحه=هذي اللي عندها دورني وتلقاني
روحي وكل المشاعر يمها منزاحه=ودها تسبقني لماها وتستناني
يلتهب في قلبي الشوق ويزيد الحاحه=والغلا يجري بمجرى الدم في شرياني
غاليه واذا احساسي ما استطعت ايضاحه=بالملامح صوره ابلغ من كلام لساني
باليمين اعطيتها قلبي وهي جراحه=وفاليسار اعطيتها قيدي وهي سجاني
وهي عطتني كل نوع من الشقا في راحه=واستباحت راحتي واستعبدت سلواني
قفلت قلبي عليها وضيّعت مفتاحه=بعد ما سكنتها واحترت في مسكاني
لكن اصبر والشقا يجتاحني واجتاحه=لاجلها واكايد ظروف الزمان الفاني
البحر عكس اتجاهي لو تهب رياحه=ماتغير وجهتي عنها وهي رباني
وكل شي يهون بس الضربه الذباحه=فالنهايه لو تصير تحب واحد ثاني

ودمتم... محمد القويعاني

محمد عوده القويعاني

اهلا بعودتك من جديد

صح الله لسانك قصيده غزليه سلسه بمعانيها ومفرداتها

ابدعت وأمتعت

لله درك

تقبل مروري

محمد القويعاني ..

لله ردك ايها العذب ..

حضور ينسينا عتب الغياب

أطربت مسامعنا ورب النعم

اخي محمد

الحمد الله على السلامة

جميل غياب ان يكون هذا عذره فبعد هذه الكلمات العذبة

سنقبل عذرك هذه المرة

جزل دايم يامحمدووفقك الله

كل شي يهون .. بس الضربه الذباحه ....فالنهايه لو تكون تحب واحد ثاني
يالله يالله يالله
,
إنحرني عند البيت هذا
.,
.
.
محمد عوده .. الشهاده لله إنك شاعر جزل
.
.
تقبل إعجابي
.
رضا المعيقلي

والغصون اللي تنامت في رجـا تفاحـه
ما اخضرت لولا غلاها في محل وجداني

اخوي محمد تقبل مروري ياغالي
تذوقت شعر
صح لسانك وسلم بنانك
تدوم براحة بال