( .. لـلــشاعــر خلــيل إبـن هـــدلان .. )

اسعد وفقك الله ابداع بالامانه

بنشدك عن شي ٍ بجيبك مهو علوك

دايم على أللي تعشقـه بـه كواكـا

وانشدك عن علم ٍ اذا جاك ممسـوك

من واثق الخطـوه يصيبـك شكاكـا

وأنشدك عن شي ٍ له ثقوب مبـروك

يحفظ لك الما وإن عصرتـه رواكـا

وأنشدك عن بيت ٍ ضعيف ٍ به شبوك

وإليـا نفختـه صـار كلـه هلاكـا

وأنشدك عن شي إيتعدا على الشوك

ولايجرحـه لـو يفتركبـه إفتراكـا

وأنشدك عن شي إشتريته ومملـوك

وماتدّخلـه للـدار مهمـا شـراكـا

وأنشدك عن ربع ٍ مع الليل خـاووك

ولاجا نهارك أختفـوا عـن سماكـا

وأنشدك عن جمله بلا نقوط وشكوك

وإليـا نطقـت الجملـه الله معاكـا

وأنشدك عن شي لا لبسته وشافـوك

ماتشوفـه يشوفـه جميـع ٍ يراكـا

وأنشدك عن رجل ٍ نحيل ٍ وصعلـوك

مايمشي إلا تضربـه فـي عصاكـا

عشرة الغاز اقتبستها عند الرد املي اطلاعنا والا اسمح لنا بالمجاره والحل

تقبل مروري يالغالي اسعد اسلم وسلم

ابو فيصل

اشكرك من القلب على مرورك النقي ..


ويسعدني مجاراتك او حلك ..


دمت للشعر ياذيب ..


محبتي لك ..

أسعد السحيمي