شعر جميل جدا يا أحمد

شكرا لك

لكن للفائده

يجب ان نكون صادقين مع أنفسنا

لذلك سنكون صادقين معك

هنا سأرسم لك خطوط العجب في النص
ممتاز وجيد ومقبول وضعيف


,



يالله ياللي تعلم السر والحال=يامسقيٍ روح الكريم الفضيله
يامِنزل التوبه وفاطر والأنفال=يامولجٍ صبح البنادم بليله
جيد
إجعل لنا بفردوس جنّتك منزال=بـ قصور من لؤلؤ عراضٍ طويله
جيد
وجنّبنا عن نار السلاسل والأغلال=يوم الخليل يصير خصمه > خليله
مقبول . والسبب في الشطر الملون
لأنه كسر السلاسة في النص
وأعوذبك من فتنة الأهل والمال =والشعر ودروب الردى والرذيله
جيد
.
من هنا بدأ الشعر
شهرين جالس وأتأمل بالأحول=في شبه عزله عن زماني وجيله
" عين السخط تكشف لك العيب بالحال= وعين الرضا عن كل عيبٍ كليله"
ممتاز
ما تنحجب شمس الحقيقه بغربال =ومن الظلام النور يشفي غليله
الناس تركض > تطرد أشغال وأشغال=وأكثرهم اللي ماش مامن حصيله
ممتاز
والجار مايدري "هل إلْجاره إعيال"!= عام يتعدى مقابله ما يجيله !
ضعيف . أرى أن القافية أجبرتك هنا ولو أنك إسترسلت ببيتين بشكل جميل لكي تتطرق للجار
وصار الولد لأبوه سمٍ وسلّال = ولرفّقته طيب وعلومٍ جميله
مقبول
عايش حياته طيش في طيش بهبال=وإبليس ولّع له برأس الفتيله
والطيب بين الناس في دقّ وجّلال=والله ولا ذيك اليدين البخيله
جيد
والناس بين أشكال وأشكال وأشكال=إتشوفهم في كل يومٍ وليله
رجّال مرجلته عن الفين رجال=ورجال مرجلته ببيت الحليله
ورجّال يمشي كل ما شاف مدخال=ورجّال مايمشي بليّا دليله
ورجّال ما يوّفي ولو دينه إريال=ورجّال وافي لو ديونه ثقيله
ممتاز
ورجّال همه كيف يجمع له أموال=ورجّال همه من هموم القبيله
ورجّال لربوعه مثل مزن همال= ورجّال لربوعه سواة المليله
مقبول ولو قلت غيث لكان أبلغ
ورجّال دايم للثقيلات شيّال =ورجال دايم يحتري من يشيله
ورجّال رأيه تنظرب فيه أمثال=ورجّال رجّرجّه ولا فيه حيله
ورجّالٍ مجنب عن القيل والقال =ورجّال يفرش للسوالف شليله
جيد
ورجّال راعي كيف دله وفنجال=ورجّال يفرح لا لقى لهبليله
ضعيف , الشطر الثاني بإمكانك أن تكتب أفضل منه
وبليله , شاذه عن النهج
ورجّال نمامٍ للأقوال نقال=ويجيك لأبس ثوب راع الفضيله
ورجّال للغيبه وللشر مقفال=إعلاج عله للقلوب العليله
جيد
سبحان من فرّق لنا حال عن حال=وكلٍ على ما قيل يلقى حصيله
وصلاة ربي عد ما هل همال = على رسول الحق راع الفضيله

اللهم صلي على محمد

شكرا على هذا الشعر يا أحمد

.






أخوك عبد الله بن عبد الله