اقتباس المشاركة الأصلية كتبت بواسطة عيد بن قيضي الوابصي البلوي مشاهدة المشاركة
عبدالكريم أوصيك يا عــزوة لـي *** اسمع كلام اللي شعل راسه الشيب

هـذي وصيه لك ولاخوانك اللـــي *** اللــي لـــهم بــالقلب مثلك شراهيب
عليك بالتقـوى وفرضـك تـصلـــي *** تـــرى الصلاه تهذ ّب النفس تهذيـب
والثانيــه لـلـضـيف خلّك مـــحـلي *** زيــّـن نــبــاك ولا تــغـض المواجيب
فلّ الحجاج بناظر الضيف فــــلّـي *** واكــثـر لـضيفك من هلا والتراحـيب
والجار لا تخطي على الجار ملي *** تـــرى حـــقوقــــه مالها عنك تجنيب
واحــذر خــوي الـجنب منك يملي *** قــدّر خــــويك وابـــذل الجود والطيب
وان كان تشفي ياضنا الكبد غلّي *** احــفــــظ كــتاب الله يـــالقرم بــالغيب
انـــهل وقــل للنفس يا نفس علّي *** واشـرب مـن الصافي وكب الغثاريب
وقــــل للصعاب اللي تلاقيك ذلـّي *** وارقـى لـمـجدك عـالــيات الــمراقيب
العمر مــــا هو للهوى والتسلــّي *** اتــعــب عـلى شـانـك تطول المطاليب
واســأل ان كــــــان تبي تستدلـّـي *** اللـــي لـــهــــم بالراي خبره وتجريب
واصبر على حكم القدر والتبـلـي *** اصـــبر تـــــرن الصبر زين العواقيب
خلّك لربعك مزنة تستـــــهلــــــي *** والا كـــما هـــــدّاج عــذب المشاريب
وان جا نهارالخوف والامن قلّي *** على الــعدو خــلك عـطيب المضاريب
والــناس خاطــبهم بزيـن التحلي *** مـــالك ومـــــال عيـــوبهم والعذاريب
واحـــذر قدم رجلك يتيه او يزلي *** واحــذر من دروب الضلالات والعيـب
واحذر تخاوي واحد ٍ مــا يـــدلي *** يــعيـــل بــــك لـو انك من أول مصيب
والنفس لا تتبع هواها تضلـــــي *** خــــالف هواها واقطع الشك والريب
والــعبد عــن دنـــياه هذي مولي *** لا بـــــــد مــــا حطوا عليه المناصيب
وان مت ودي خيركم لاحق ٍ لـي *** تلفـــي عــلـــي وانـــــا بقبري مكاتيب
وان مات راع العلم علمه يضلي *** تــبــقى لــه الذكرى ويكسب مكاسيب
وراع الجهل ولو به الموت حلي *** ان مـــات مــا تـبكي علـيه المحاريب

وصــلاة ربـي عــــد مزن ٍ يهلـي *** علـــى نــــبي ٍ رتـــــب الــــدين ترتيب



اللهم صلي وسلم على محمد


الشاعر الجميل العذب / عيد بن قيضي


هنا أنا أقف إجلال لهذا النص الشامخ ..


كنت هنا طويلا أتدري لماذا ؟


لأنك أشبعت الذائقه ياعيد ..


رائع إلى حد الثماله نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ..


نصائح في غاية الجمال ..



حاولت ان اقتبس بعض الابيات الرائعه فوجدت ان القصيده كلها تستحق الإقتباس..



وجهة نظر وليس انتقاد . وانا أعلم انها كبوة حصان أصيل ..


واســأل ان كــــــان تبي تستدلـّـي *** اللـــي لـــهــــم بالراي خبره وتجريب

الشطر الاول لو أصبح/
وإسأل إذا كانك تبي تستدلي



واصبر على حكم القدر والتبـلـي *** اصـــبر تـــــرن الصبر زين العواقيب

هنا ليس به شي ولكن توضيح للقارئ

الشطر الثاني / وأصبر تر إن الصبر زين العواقيب



اليوم هذا النص يكفيني ..


محبتي لك ايها الشهم ..

أسعد السحيمي