حماد حدْه حدْ حتى يتعلْم

حماد حده حد حتى يتعلم=حتى يعرف المخطيه والصوابي
حده على نفسه ومهما تكلم=خله بحاله يارفيع الجنابي
خله وخله يكفي أنه تألم=منجوم فكر وكيته بالعلابي
مريض فكر ان ناخ قام يتظلم=مثله ومثله علهم للذهابي
وده يعلمنا ويصبح معلم=والعلم ناقص والنقاصه خرابي
من بيننا ياعل فكره تعلم=ما يدري إنا مثل شم الهضابي
ما أدري هو العلان والا مسلْم=وإلا على ما قيل يلبس حجابي
والرجل يظهر للنشاما يسلْم=ومن هو تخفى ما أنحسب له حسابي
مسكين فكر أظن قام وتحلم= والحلم عوَد فوق راسه وهابي
هيا استلم مني وبعدين سلم=بالعب معه شيزه وله عود طابي
حماد رده جاي يمناك تسلم=طاح وتوازن واندمل بالترابي