ياليت هدا اليوم تكتب وفاتي = حتى استريح من العناءوالغرابيل

اما يصير الراي رايي ثباتي = ولا حرام امشي بوسط الرجاجيل

اما يقال الحق وامسك عصـــــاتي = ولا على قبري تغز المخـــــــــــــــــاييل

عقبني المرحوم زين الصـــــفاتي = راع الكرم والجود زين التــــــــــــــعاليل

اللي لينه جاه ضيف المشـــــــاتي = يقريه لو تبرق وترعد مخــــــــــــــــاييل

امشي على ممشاه واقضب وصاتي = واقضب وصاة العود واصمد على الـحـــيل

يانجم لاطاوع كلام الوشـــــــــــاتي = اللي على دربي يعزو تمـــــــــاثيل

ماخضع لهم مادام عندي غنــــاتي = وممشي على راي العرب دون تحـليل

حللتها بالعقل قبل الشــــــــــفاتي = ودرستها درساً يفوق التفاصـــــــــيل

لقيت فيها نقص ماهي كفــــــاتي = وش موقفي ياخوي لجن جهاجـــــــيل

ساس الفرح للجيش هدي مناتي = واعتز فيهم لا لفوني مقــــــــــابيل