وش اكبر سالفه سويتوها بالمدرسه واتعاقبتوا عليها ..؟؟

أكبر سالفة

مستحيل تنقال

> مافقع عين وآحد بالغلط بطبشورهـ

الموقف اللي حصل لي تقريباً كنت في ثاني متوسط

كانت الحصة السابعة عندنا اختبار تاريخ ومادريت عنـه > تصريفة

ماذاكرت اصلاً علشان كذا قلت مادريت عنـه

المهم

طبعاً بما أنني من ضمن قائمة العاقلين والمؤدبين حقين الفصـل

ومن ضمن اللي يصيرون صديزيني الدوافير وقت الاختبارات والأوقات

الثانية قبس وقبيس فيهم ،،،

طبعا أنا وثلاثة معاي سوينا قرعة أسماء علشان كل واحد يختار دافور
يكون ياجنبه أو قدامـــه

وفعلاً تمت العملية بسلام وكل واحد حشر له دافور وهم مساكين مايقولون لا
لانهم عارفين اذا قالو لا تقوم عليهم كارثة داخل الفصل وبالفسحة وبالطلعه

أما الدافور اللي يبي الحصانة سوان بالفصل خاصة والمدرسة عامة يمشي على شورنا

> أبو ريم أنت ورضا لايروح فكركم بعيد

المهم حصل أنه وقع اختياري على دافور وقلت له الله يعطيك العافية راح تحل الاسئلة بورقتك
ولاتسجل عليها أسمك علشان آعطيك ورقتي وتكتب أجوبتك وتكتب آسمك عليها وياويلك لو تغدر والا تسوي شي ترى مو من صالحك ،،،

وفعلاً مشى بكلامي وحل ورقته كاملة وأخذتها وعطيته ورقتي من ذهانتي الزائدة ماقريت الأجوبة

قمت أراجع الورقة وعلى بالي أنها صح كلها وقمت أغشش اللي وراي واللي بجنبي

وحاله يرثى لها ومبسوط أني حالن كل الأسئلة وأن الدرجة كاملة ،،،

سلمنا الأوراق وابتسامتي العريضة ترسم على محيئ خشتي

قبل لاأكمل

أكتشفنا بأنه اساساً الاسئلة تختلف من ورقة لورقة هذا أول شي
ثاني شي الدافور هذا الله يسامحه حالن كل الأسئلة خطأ لعانة ونذالة

طبعاً بما أنها الحصة السابعة أكيد بعدها الانصراف
أدورهـ هالدافور أختفى هج لبيتهم عارف أني بحجر له

رحت لبيتهم بكل وقار طقيت الجرس

أنا : وين فلان
عند الباب : مين أنت
أنا : زميله في المدرسة >
عند الباب : هو نايم بس راح أصحيه لك
أنا < مادريت بس يدور الشر برآسي

والمسكين فتح الباب وشافني وجاء يسكرهـ بس مسكت الباب وجلدت فيه آلين
جاء أبوهـ على صياحـه
وانحشت

نسيت الموضوع

وفيه صباح السبت وكعادتي الله يحفظني متأخر جاءي للطابور مع أني بغيب يوم السبت بس الله يطول بعمرها أم سعود ماعندها شي أسمه غياب
بالعادة في مدرس يصبح علينا كل يوم يوقفنا على الجدار رافعين الكتب فووق ألين نصف الحصة الأولى بعدين يدخلنا

بس هالمرة صبح علينا وجه المدير وهو ينتظرني خلف الطوابير حاولت أرجع بس فضحني الحارس حق المدرسة

المهم أشر المدير بآصبعه بأشارة ( كم هير كم هير ) وعنونه تتطاير منها المصايب ووقفني قدام الطوابير الين دخلو فصولهم وخلاني واقف بمكاني ألين الحصة الرابعة وبعدها سحبني على المكتب وتحقيق وحالة وتهزيء آلين نويت على آني أقول لابوك لابو مدرستك وأطلع بس قلت غلطان أتحمل الشكوى لله

وخلاني واقف آلين الحصة السابعة طبعاً عارفين قايلة الظهر حقت الرياض حررررر يصلخ
بما أن الطالب الدافور سامحني وقال خلاص ماابي منه شي
العقاب كتالي :
- جلد فلكه عشرين جلدهـ بخيزرانه.
- جلد بأيديني عشرة .
- أفصاخ نعالي الله يكرمكم وعد برجولي كم فيه طوب أحمر على الأرضية موجود بساحة المدرسة وأمشي عليها خطوة خطوة

طبق العقاب والثالث طبقت نصفه لانه حرررر موووت قالو خلاص وأنا أخذت نصف الساحة بس لانه رحموني على الحر الموجود ،،،

المهم ذكريات لاتنسى ومواقف كثيرة ولكن هذا اللي ظهر لي في ذاكرتي بعد قريت الموضوع

وأجمل الذكريات لاتنسى


وننتظر أحد يتجرىء ويقول بعد موقف

يعطيك العافية