بمناسبة قدوم اجازة الصيف

يعطيك العافيه

الأخ الشاعر ـــــ محمد القويعاني


قصيدة جزلة .. تُحاكي الواقع و خاصة مع إقتراب الإجازة


المُتخمة بـــِ الكثير .. جدًا أعجبني مضمونها


صح لسانك .. و سلِمَ فكرك .

.. صـــح لســانكـ...

.. وبيض الله وجهــكـ...

بسم الله الرحمن الرحيم

السلام عليكم ورحمة الله وبركاته

اعزائي ....

هي كما عنونتها بمناسبة قدوم الصيف

كلمات وجدتها في نفسي

وقدتكون في نفوس الكثير من الناس

اتمنى اان تحوز على رضاكم

.

.

.

.

.








يالسياحه ندري ان الجو كايف=والمصايف ما يمل اللي وصلها
أمسيات ومسرحيات وطرايف=والدعاوي سمنها مخالط عسلها
بس حنا لو تزيدون الكلايف=لا نبي هذي ولا نبغا بدلها
غيرنا تلقو طبقات وطوايف=يوم كلن رحلة اوضاعه رحلها
فاقد اللقمة ما هو يم المصايف=منشغل والراحه الواقع خذلها
الغلا متصدر اخبار الصحايف=والحياه امورها من يحتملها
النفوس يحوفها من الوقت حايف=وان سطا فيها خطير يجيب اجلها
مار يا اللي تنقل الاخبار لايف=لا تحَجْب الارض عن قمة جبلها
خبّر اللي ما نوى مد النصايف=عن رسايل حرّف الساعي جُملها
السمان الوافيه وصلت نحايف=والبلا إن اللي نقضها ما فتلها
الفقير يسكتونه باللفايف=والحلول الحاسمه طوّل جدلها
والشباب يصيح من قل الوظايف=والامور اللي ما يقبلها قبلها
بيّنت كل الدلايل والوصايف=والعقول إنزاحت إستارة جهلها
المناظر مل منها كل شايف=والعيون تجاوب اللي ما سألها !
الحواجز فرقت بين الولايف=والاراضي تشتكي من ذل اهلها
التسوّل زاد والطوّاف طايف=في نظام نفوس تكسب من فشلها
تختفي مضايف وتظهر مضايف=والعيون يدور حول السور أملها
والخطا إنّا نعتبر هذي خفايف=لين طحنا من جهلنا في وحلها
بس لوّ الهايف نسميه هايف؟=كان بعض دروبنا العوج نعدلها!
يا خبر ماني مصدقك انت زايف=والولا إستوطن خواطرنا ونزلها
حافظين عهودنا حفظ اللطايف=ما تهز نفوسنا ثورة زعلها
وانت ياللي من جحودك رحت عايف=خل شخصياتك اللي تنتحلها
تبغا ترحل ما على مثلك حسايف=الحمول الله يبارك في جملها
اما انا نظراتي بروس النوايف=واعلم إن أرزاقنا ربي كفلها
ماني بمتضايف ولاني بخايف=والقصيده جبتها على مهلها
والكلام اللي تعداه الشفايف؟=الحقوق مقسمه والشعب اكلها !

ولكم مني كل الود والتقدير

	صــــــــــــــح لســـــــــــا نــــــك كلمات جزله من الشاعر مبدع الله يعطيك العافيه تقبل تحياتي ابوفارس العصباني

	اخي محمد بن عوده القويعاني انت تستحق جائزة الهيئه العليا للسياحه للأمانه لن يسبقك لها شاعر بيض الله وجهك ياغالي هناك يكمن الابداع وتلمع نجومه باشعاعاته المختلفه عن الاخرين هنا يكمن السهل الممتنع وفقك الله وسوف انقلها في نفسي وهناك بالتوفيق ياغالي وصلت الرساله وفقك الله

صح لســانكـ أخي/محمدعوده القويعاني
وقصيدة مميزة من شاعر مبدع