المستــــــديره للشاعر سليمان عبد الله بن فالح الوابصي البلوي

[size="5"][b]المستديره : قصيده الشاعر سيلمان بن عبدالله بن فالح الوابصي البلوي
يقول
0

ينشدني التايه عن المستديره = والمستديره دارة بعصر الاجداد
المستديره خيـر في كل ديره = ايقــدموها اجـواد لوفود الاجواد
اجـواد جادت والليالي عسيره = يوم المراجل كلها غيــر بجهاد
ومن لايجاهد بالحياه القصيره = يبقــا كمـــا بيتا بلا احبال و اوتاد
وقولي من التاريخ واجمل مسيره = يـــوم القبايل للنبي توفد اوفاد
بحضرة الصديق وبو هريره = ســـوأل وفدي من بلي يرعد ارعاد
بيّن حقوق الضيف وللي يجيره = للـــــي يجير الضيف ويقدم الزاد
والضيف ضيف الله حقوقه كثيره = عند الرجال اللي لها افعال وامجاد
اصل الوفاء والطيب دينا وغيره = كنــــه فضيلة دم من ينطق الضاد
والطيب نهر ومنبعه فى الجزيره = من خلقة الدنيا الى يوم الاصـفاد
نهرا غزير له شواطي خطيره = تغرق بها انفوسا وتعطش بها اكباد
لوكان سما مابقا لي عشيره = والمــوت معهم خيـر من عز مقعاد
هـــذا كلامـي في قضيـه كبيره = للمستمع فيــها تحاليل وابــعاد
وكلا يقــول وغايته في ضميره = يعلـم بـها مــن نزل النون والصـاد
وصلوا على مخلوق اطهر سريره = مكّرم سفانة طي امام الاشهاد