المشاركة الاساسيه من الشاعر المميز ( خميس ابو ذراع ) والنعم فيه :

اه شفتهـا مــرت أمـامـي هالمسـيـه

الهنوف اللي تعدت هالمساء يسعد مساهـا

وش حصل وشلون مادري كل ماذكر جاذبيه

فاتنه في زولها في جسمها حتـى بحياهـا

ضيعتني ضعت كلـي رجعتنـي الجاهليـه

هبلت بي مادريت الا وانـا أمشـي وراهـا

آدري أني اخطيت لكن هالخطا غصباً عليه

لعن أبوها والله أني مالمحـت بمستواهـا

وش نجاح وبنت وهبي ولا ليلى العامريـه

وشي بنت العسكري النص مابهن من حلاها

ماالوم الآدمي لو هـو خطـف هالآدميـه

كل شياً غير عادي حتى في مشية اخطاهـا

ولا الوم الآدمي لو يرتكـب فيهـا خطيـه

لاجلها ماهي خسارة لو فقد روحـه فداهـا

آتمنى في حياتي لو تضاف لهـا الهويـه

أشهد أني يوم أقوله مطلب النفس ومناهـا

ليت ابوها يوم أجيه القول أبشر بالعطيـه

والله أني ماتردد لاآصله وأطلـب عطاهـا
ي
اسلام الله عليها وياعسى ماتشوف سيـه

الهنوف اللي تعدت اسأل المولـى بحماهـا

صح لسانك وبارك الله فيك والنظرة الاولى لك والثانيه عليك وغض البصر واجب
والنعم فيك ياابو عادل معاني جميله نبي قصيده نصح وارشاد عن السرف بالزواجات