امانــه..

\



/

لك الله ما حسبت حساب للصدّه ولا الهجـران=ولافكرت ابد في يوم تجـي وتبعثـر اوراقـي
عجاج الهم في صدري عثا في قلبي الولهـان=ويزفرني وله شوق ووله في داخـل اعماقـي
انا ياصاحبي شفني بقايا مـن جسـد انسـان=تعشتني ذياب الهم بدت مـن داخـل احداقـي
اقاوم بس انا ياكيف اقاوم بالهـوى شيطـان=يسوّل قبل ما إنه نـوى في عينـك إغراقـي
اتوه بخطوتي حايـر وادوج بعالـم الاحـزان=على درب الشقا ضاعت بقايا صادق اشواقـي
اتوبع طيفك الجافل عـن عيونـي اليـن الآن=واصدق كذبة رجوعك والملم دمعي بإشهاقـي
اماني النفس من عقبك منايا والخطـا بهتـان=شنق روح الغرام اللي بدت لك ياعنا الشاقـي
مواعيد العنا حانت وصارت بالفـؤاد اوطـان=صرخ قلبٍ يصوت لك دخيلك عجّـل اعتاقـي
لك الله لو رحلت ورحت وميعاد الهجر قد حان=يموت بداخلي رجّال فقـد آخـر (وفي)باقـي
انا لاغبت عن عيني اعيش بدنيتـي حيـران=وانا لامن نويت البعد مثلك وين انـا الآقـي
انا عقبك فتى بالبيد وحيـدٍ ضايـعٍ ضميـان=يدور بالأمل عابر يقول:(ابشر انـا الساقـي)
وانا عقبك ملاني الياس وحالي لا ابد مـازان=الا ياكيف اذا هجرك لهبهـا قاصـد احراقـي
انا طيرٍ نتف ريشه غرامـك ياجمـل الخـلان=ولا اقدر من بعدك آطير ولو عزّمت بإطلاقـي
دخيلك لاتخليني وتقـول انـي معـك غلطـان=وانا هاقي بـك الطيبـه (تخيبني)وانـا هاقـي
تعال وقول : عليّ اخطيت وابي حقي يابوعليان=وتبشر بالسعد ياللـي مكانـك وسـط خفّاقـي
ولو ماني معك مخطي ابطلب ربـي الغفـران=ولا يكون الغلط مني وتقصد بالشقى ازهاقـي
واذا معزّم على الفرقى انا مالي سوى الكتمان=ابشكي ماجرى فيني من اسبابـك لـــ / خلاّقـي
باقول آخر كلامي لك مدام انـه هـو العنـوان=دخيلك لا توادعنـي مدامـك نـاوي فراقـي

\



/

صح لسانك يالشاعر علي البلوي على القصيده الرائعه



اخوك ابوفارس

صح لسانك مشكور اخي علي

اخي علي

تحية طيبة
سلم بوحك على هذه الرائعة

وكعادتك تألق بالقول الجميل

وقد كنت نجم بارز في امسية المركز الثقافي لبلة البارح

ويعطيك العافية

رغم الألم في بعض الأبيات الا أنها معزوفة شعرية جميلة وقد أتحفتنا بها اخوي علي


صح بوحك ونبضك وصح لسانك مليون ..



ودي ووردي ..

دخي

لك لاتخليني وتقول انـي معـك غلطـان
وانا هاقي بك الطيبـه (تخيبني)وانـا هاقـي

باقول آخر كلامي لك مدام انه هـو العنـوان
امانـه لا توادعنـي مدامـك نـاوي فراقـي



ملاحظة إذا تكرمت أخي
قول أمانة إن كان يقصد قائلها والأمانة فهذا لا يجوز ففي الحديث :"ليس منا من حلف بالأمانة" أبو داود (3253) وأحمد (22471) وهو صحيح،
أما إذا كان المخاطب يقول لصاحبه الذي أخبره: أمانة، يعني: أذكر الأمانة أنك صادق بخبرك، لا تكذب علي، فليس في هذا شي لانه قال اصدقني

مختصر من كلام الشيخ البراك
منقول