يمـــــــه ســلام اللــه يسعد مساكـــــي

يامن هوا قلبي مطابق هواكـي = معصوم من عيب الهواء والغراما
حبك ملى نفسي وحبي ملاكـي = ما ينقصه لو كان واحد جرامــــا
تسطي على قبي مواكب غلاكي = وتجعل معاليق الضماير تواما
يهتز عرش القلب لمـّا اراكــي = ويخضع ولا يخضع لغيرك لزاما
انتي من الدنيا امل من رجاكـــي = واللي بقا منـها تراها حطاما
طول الزمن ونا اتمنا رضاكي = وعن ود غيرك هاجس الود صاما
اكبر ولا يكبر بقلبي سواكـــي = واكبر ويكبر لك غلا واحتراما
لوني كبرت اصغر على مستواكي = ان جيت عندك شفت نفسي غلاما
يللـي علـي بالجـود يمطر سماكي = فضـلك علي فـي كل الايام داما
يمه 0 سلام الله يسعد مساكي = اجمل تحيه لك واجمل سلاما
ياسعد لحظاتي وانا في ذراكي = وياسعد لحظاتي وانا اقول مـا مـا
ان كان شفتي مقدم الطرف باكي = خلتي هواء نفسي بليا كلامـــا
يقل لك جودي ويكثر عطاكي = وفضلك على جسمي سلاما سلاما
تروي ظما كبدي واسبب ظماكي= واخذ لنفسي من غذاكي طعاما
اخذ غذائي من خلاصة غذاكي = من خلقتي حتى اوان الفطاما
امن على نفسي ونا في حماكي = والقاء لراسي مضطجع واناما
الله يغـفـر كل زلات افاكـــي = ويجعل لنا وياك حسن الختاما
يمه 0 سلام الله يسعد مساكي = اجمل تحيه لك واجمل سلاما

الشاعر ابن قيضي الوابصي الله يسعد مساك

صــــــــــح لسانك

تحياتي لك

ابوفارس

اخي عيد


تحية طيبة

يسعد مساك ويعطيك رضاء الأم

ومن لنا غيرهن بالدنيا

وفقك الله يامبدع

بيض الله وجهك ياعيد على القصيدة الشامخه

وحفظ الله لك والدتك واطال الله بعمرها وصحتها

اخوي عيد دائماً مبدع
الله يعطيك العافية وصح لسانك

أبو عبد الرحمن

الشاعر الجزل/ ابو عبد الكريم



صح قلبك ..


ما أجمل ماكتبت ..


نص في الام بغاية الجمال ..


ترتوي الذائقه بوصولها لمتصفحك ..

دمت للشعر سيدي ..


أسعد السحيمي