مرثيه في المغفور له بأذن الله تعالى رتيمان عيد الوابصي

هذه القصيده مرثيه في شخص عزيز على نفسي وعلى كل من يعرفه وعز علي فراقه وهو رتيمان عيد حمد الوابصي البلوي

وكتبت هذه الابيات عند وفاته رحمه الله واسكنه فسيح جناته

البارحه النوم يا سليمان ماجاني=من هاجس (ن) صابني بالقلب مضرابه
العين تبكي واحس القلب حزناني=فرقا.رتيمان.منه النفس منصابه
هزت كياني وهزت كل وجداني=والّي يعرفه ترى الي صابني صابه
عزيتكم فيه وانا الصبر عزاني=صبّرت نفسي على فرقاه وغيابه
كنت اعتزي فيه واعده من اخواني=عند الرخاء لي صديق وبالخطر لابه
ان جيت في مجلسه تلقاه ديواني=تلقى التحايا وتلقى زين ترحابه
تلقى المعاميل لاهل الكيف ملياني=فنجال بن يداوي راس شرابه
ان جيت حياك وانا ان جيت حياني=والي يجي بعد يلقى الي لقينابه
عساه في جنة الفردوس سكاني=رحماك ياواحد(ن)ماخاب طلابه

/

/
آمل الدعاء له بالرحمه والمغفره وجزاكم الله خير