# عـابـــر سبيــل #

مدخـل :

منت داري ..
عن حبيب ٍ يوم حبك .. منت داري !!

باع مايملك لجل خاطر عيونك ..
ويمّم إحساسه لوجهك ..
وصاح بعلى الصوت .. شاااااااري
أيه شاري .. أيه شاري

وأنت يغلى أنسان والله .. منت دااااري
وبعد ماقلبي تعذب .. جيت تسألني بصراحه ..
مين أنا ؟

آآآآآآآآآآه يا أغلى الحبايب .. منت داري

بكل بساطه .. وكل جرءه .. مين أنا؟ = ومنت خايف .. لو أحاسيسي .. حكن!!
أخاف أقول : ويطمع العاذل .. بنا = وأخاف أشوف الحب .. ضايع .. مندفن
أنا الذي .. ماتعرف أنك به .. هنا = وأنا المشاعر .. في خفوقي لك .. وفن
عابر سبيل .. وشاف عينك .. يالضنا = لقى بعينك .. يالغضي .. أول وطن
ماغرّته .. نظرة جواهر .. أو جنا = إلا عيونك .. في عيونك .. إنفتن
وانا ألذي .. ماذاق بالنوم .. ألهنا = وأنا الدخيل .. ألي بأنفاسك .. زبن
وأنا ألذي .. لاشفتك .. يموت ألعنا = وانا الذي .. لاشفتك .. ألامي هدن
وانا الذي .. شاب بوصالك .. وإنحنا = وانا الذي .. شاف بغيابك .. له كفن
وأنا النخيل .. ألي لبسمتك .. إنثنا = وأنا الظلام .. ألي بنسماته .. شجن
حر ّ .. وتعدّا في طريقك .. من سنا = ثم ٍ تمشكل .. في عيونك .. وإنسجن
سجن ٍ مؤبد .. له من أعماقي .. ثنا = سهير .. وعيونه لك الله .. ماغفن
وأنا البعيد .. وجمع الله .. شملنا = وأنا القريب .. ألي بمنديلك .. سكن
أسأل خفوقي !! يوم حبك .. إنبنا = في ناظري / مابين .. رمشي والجفن
بترابه المنثور .. ياماااا .. لمـّنـا = وبعلى السما .. روحين .. ما مره شكن
تعال / نغرق في شواطي .. حبنا = مادام .. كل النوايااا .. بك صفن
تعال / نروي بالمحبه .. عِـرقنا = وأمسح دموع الي ..من أسبابك .. بكن
تعال / وإنسى ياحبيبي .. مين أنا !!= أصلاً ( أنا) في حضرتك .. ماله ثمن

مخرج :

بعد هذا ياحبيبي .. وش تبي مني أقول :
رحت في حبك وجيت ..
وأنت في حبي دريت ..
وش تقول لقلب حبك ..
بعد ماشفت وقريت .. بعد ماشفت وقريت

/
\
/

أسعد السحيمي

قصيده تستحق كل الابداع

هذا اليوم تصفحة مجلة قطوف وصادفت هذه القصيده

فعلآ تستحق أن تنشر وبكل أمانه

صح لسانك ابو ابراهيم

لله دررك

قصيده تستحق كل الابداع

هذا اليوم تصفحة مجلة قطوف وصادفت هذه القصيده

فعلآ تستحق أن تنشر وبكل أمانه

صح لسانك ابو ابراهيم

لله دررك

الجميل / بدر سليمان البلوي

شكرا على نقاء / وعذوبة هذا المرور ..

تنفس المتصفح بحضورك ..


محبتي لك

أسعد السحيمي