الماهر


عـلام خـالك يـالـقصـير مـايـبين=يالله لـعـله بالف خير وعافيه
العام يقرأ في رياض الصالحين=من قبل ماتذرا عليه السافيه

القصير

خالي بمكة في ديار المسلميـن=من فضل ربي ما عليه أ خلافيه
اليا حضر خلاك يا لقاسي تلين=يشب ناره يوم "ي" نارك طافيه
الماهر

مـكه وطيبه وانت ســيد الـعـارفين=ماهي عذر عطنا العلوم الخافيه
يكفي حضورك خل عنك المدبحين= وان شـب نيـرانه فـلا هي كافيه
القصير

ماشي يسار الدرب ماتمشي يمين=يالله عسى نيتـك نيـه صافيـه
ياشين حظ اللي يا حسبنه ذهين=ياطأ على الرمضا ورجله حافيـه

الماهر


امشي مع ادروب الرجال الغانمين= والله عليمن بالنوايا الهافيه
مـنـته وكـيلن للـعبـاد أولا ضـمـيـن=خل السوالف والتفت للقافيه

القصير

أقول وافي من ربـوع"ن" وافييـن=و أنـا تحـرى للعلـوم الوافـيـه
إن طعت شوري روح دورلك عوين=ياللي تحسب السمن زيت العافيـه
الماهر

انا اسـألك وابـغى عـلوم الـغايبـين=والسيل من تحتك وعينك غـــافيه
وانكان تبخص بالزيوت اوبالعجين=اجلس على السفره مع الاصنافيه

القصير

ماهر لكنه ضاع بين الماهرين=لا جاء نهار الجد ما ينشافيـه
ياصاحبي عوذمن ابليس اللعين=اللي فراشاً لك ونوب الحافيـه

الماهر

مـاضـاع غـيرك يامعايد قريتين=عـند الشـدايد يـركـبـك رجـافيه
وابليس منه ومن هله متعوذين= وايضا من اللي عينه ميلافيه

القصير

ترى الغضب معميك ياابونيتين=باقي دقايق وزهـم الاسعافيـه
أقرأعليك من السورلو سورتين =دامك خوياً في عصابة ما فيـه