من قصايد الشاعر مقبل سليم البلوي

من منطلق خبره وعرف و دواليل


قال الخبير اللي تمثل وغنا


ما يحقق أحلامه قليل المحاصيل


يهوم راس الطايله و يتونا


مثل البعير اللي ثنا ساقه الشيل


يبي يقوم و من رداه يتثنا


تبت يمين اللي شكى قلت الحيل


يوم الذيابه للذيابه عونا


أما نكون اسياد بين الرجاجيل


ولا بلاش نقول حنا وحنا


لا صار للحانا تساق الفناجيل


تقصيرنا ما يبعد اللوم عنا


عند الرجال ينزل القدر تنزيل


و يفتح عليينا أبواب منا و منا


وان صار للي ما يبينا مداخيل


بالوارده والصادره يمتحنا


اللي علينا قلبه أسود من الليل


يفرح إلى جتله على ما يتمنا


ما يدري إنا نذلل الصعب تذليل


نروض الأصعاب ما روضنا


بعزومنا ناصل بعيد المناويل


للمستحيل عزومنا وردنا


ورد الضوامي للعدود الشهاليل


وردن على حياض الروى و ارتونا


ما حولنا من الشداد المحابيل


وش عذرنا للناس لو حولنا


الله خلقنا أحرار ما نقبل الميل


في وقتنا الحاضر و ماضي زمنا


ما نقبله و أسلافنا تتعب الخيل


وحنالنا بيوت المعزه تبنا


أهل السلوم الطيبه والتعاليل


كنا و ما زلنا مثل يوم كنا


أسلومنا ميراث جيلاً بعد جيل


إن ما رفعنا فوق ما نزلنا

شعر: مقبل البلوي

• الهامور
• مشكور على القصيدة الرائعة
• للشاعر مقبل وصح لسانه