قصيدة بمناسبة زيارة الشيخ احمد بن رفاده لثربه

شكر يابو سالم علي القصيدة الجميلة ويستاهل شيخ شمل يلي اخوك سعد ابراهيم الجريسي

يأبو سعد ياعزوتي تاج راسي
يامحزمي يوم المواقف صعيبه

أبوفهد ( حسين الميهوبي )

شكرا شكرا يابوسعد على القصيده الجميل00
وبيض الله وجهك 00
واسعدتنا بحضورك وشعرك الرائع 00
ومثل ماعودتنا دئما وأنت رائع

بسم الله الرحمن الرحيم






السلام عليكم ورحمة الله وبركاته






اعتذر عن انقطاعي في الفتره الماضيه






ولكن تأكدو انه كان انقطاع عن وضع مواضيع ليس عن المتابعه





هذي قصيده بمناسبة

زيارة الشيخ احمد بن رفاده

لاهل قرية ثربه المواهيب

في ضيافة الشيخ ابن دغيمان

.

.

.

أنا عن مراقيب الطويله مضى لي عام=وأنا اليوم جا لي لازمٍ به وعديته
سمعت البشاير عن خبر ضيفنا المقدام=وتناخا القصيد وقلت يارجم يا ليته
نهضت الجناح وحمت يوم النداوي حام=على عز يا ريش السعد يوم فليته
البس قصيدي ذكر شيخ الشمل بوسام=وأنا عارف قدر المقام وحجم صيته
هلا مرحبا بضيوفنا في محل كرام=هلا وكل طيّب حاضرٍ ما تناسيته
حضور الرجال الطيبه يبعد الأوهام=عسا الله يديم اللي دعاهم وجو بيته
وحنا مواهيبٍ بوقت اللزوم حزام=يشوش الولد للطيب من طيب تربيته
شيوخ الشمل نفخر بهم وابرك الأيام=يزورونّا فيها وللعلم تثبيته
نجدد محبتنا ونظراتنا قدام=وجمع الشمل لأصحابنا كم تمنيته
لو اليوم ينبينا عن أخبار عام العام=فتحت المجال لهاجسي واستفزيته
إذا كان في راكان تفخر قبيلة يام=سليمان باشا مر ذكره وحييته
مشوله جيوش الترك من هيبته خدام=تواصوا على مرضات رايه وتلبيته
فزع للشيوخ اللي على ساحة الاعدام=كسبها في الدنيا وحصدها بتاليته
وبنا بيت ساسه من حجر يتعب الهدام=مكانه رفيع ووارث البيت هنيته
شيوخٍ مكانتهم قبل يطلع الأعلام=وقبل لا يصير الشيخ من كثر تصويته
لهم هيبة الفارس لهم نظرة الحكام=ما هو بيت طاري في ضميري وغنيته
يطول المجال وتنحني ريشة الأقلام=وأنا حقهم بكتابة الشعر ما أوفيته
لكنّ اعتذر والعذر يا شيخ مسك ختام=وأنا لي طلب قل تم وأقول لبيته
تعيد الزياره طال عمرك بدون إلزام=وشوف الكريم اكرام لا جاك وان جيته

تحياتي للجميع

الشاعر الكبير / محمد سالم الميهوبي

صح لسانك ..

نص لا يأتي إلا من كبار ..

جزاله وتمكن وتسلسل رائع ..

أخي العزيز .. محمد

أنت وبدون مجامله ومحاباه شاعر من الشعراء ألذين أفتخر بهم ..

دمت بهذا التألق ..

ولك كل المحبه ..

أسعد السحيمي

بيــض الله وجهــك

ونعم في المواهيب

والشيخ أحمـد بن رفاده يستـاهل

قصــيدة رائعــة من شاعـر رائع

صح لسانك يا بو سعد


قصيد ه جزله من شاعر جزل

يستاهل الشيخ / احمد بن رفاده

ويستاهل الشيخ / ابن دغيمان


لك ودي وتقديري

ماكل من يضحك لك اليوم يغليك
ولاكل من يمشي معك له صداقة
يضحك لك وهومن القلب جافيك
لاونة ابناخية0 ومن الرفاقة