عيــار طــاااااايش

.




.

عيار طايش لا دوشّني ولا صاب =من كف أنا أكبر من مداه وخياله
كانه يشوف المجد في صفحة كتاب = المجد فيني شاف عمّه وخاله
ما جيت أدوّر بالشعر مجد والقاب = جاني يدوّر بي فضاه وكماله
لا ما وْقفت رجلين فكري على باب =إلا رجع واللي على البال ناله
خل القلوب .. إنساقت إلـ شعري ألباب=إنساقت و ساقت لحد الثماله
أمّا إنت حاله مالها شرح وأسباب = حاله .. وحالتها مع الوقت حاله
ما بيننا ضحك ومشاريه وعتاب= واللي كتمته .. عنـّك الغير قاله
ماني بقايل شي .. ويقال كذاب = رجال .. لكن ناقصتك الرجاله
مثلي يجيب من الغنايم ليا غاب= ومثلك حضوره بالميادين عاله
إلحالي وعدّيت مرقاب مرقاب =والا إنت زولٍ ما يتعدى ظلاله
ومدام لا مخلب يعشّي ولا ناب = إسمع وخل الفلسفه والإطاله :
كل الطيور إن هاجرت شفتها أسراب = إلا الصقر .. دايم يحلّق لحاله

.

أستاذ الشعر وهرمه

أحمد عايد

ورب محمد أنت من الشعراء الذين أحرص على قرائة نصوصهم


ألف ألف صح لسانك ..

وأنا أشهد إنك جبت أكبر غنيمه

لك ودي ووردي

الشاعر / احمد عايد

صح اللسانك

قصيده من العيار الثقيل

تحيتي لك

كل الطيور إن هاجرت شفتها أسراب=إلا الصقر .. دايـم تشوفـه لحالـه

ابو شهد


صح لسانك وابداع غير مستغرب / مازلت هنا / لأجلك



علي البلوي

صح لسانك يابو شهد
..
وعذبه كعذوبتك
.
تحياتي لك ياغالي
.

أحمد عايـد

لا جديد . . سواء الأبداع والتفنن الشعري

دائماً ما تشبع ذائقتي يابو شهد

لله درك أيها الجميل

أطيب المُــنــى ،،

سلمان العرادي