قصيدة الأسبوع للشاعر المبدع : مشهــــور يوســــف الســـــــرحاني

قصيدة بالفعل تستحق التميز لشاعر سكن قلوبنا بطيب قلبه


أخي عايد السميري جعل الله أيامك كلها سعادة و متميزه كتميزك هنا

صح لسان الشاعر المبدع فعلا مشهور يوسف السرحاني

والشكر الجزيل لناقلها الشاعرالمتميز عايد السميري

!

!

لامنـي وجـه الـزمـان ولاعـلـى مثـلـي مـلامـه

الحسـود اطفيـت ضـوه والحبيـب اوقـدت نــاره

انتخـيـت بطـيـب نفـسـي والمـعـزه والكـرامـه

مـارجـيـت الا الـعـزيــز ولاوقــفــت الابــــداره

لابس(ن)ثوب الخضوع وساكب(ن)دمع الندامه

والرجـا والخـوف يسكـن خافـقـي تــاره وتــاره

واعتـرافـي بالحقـايـق ذروة الـحـق وسـنـامـه

والحظيـظ المخطـي اللـي عـاد للـدرب ومـسـاره

ماجـزعـت ولانصـبـت ولاتطبـعـت الشـهـامـه

الوفـا طبعـي وعـارف ويـن ربـحـي والخـسـاره

الرفيـق اعطـيـه حـقـه لــه مكـانـه واحتـرامـه

والبعـيـد احــذر جنـابـه لاانتـقـاص ولاعـيــاره

المواجيـب ان دعتنـي جيتـهـا مـرفـوع هـامـه

حافظ(ن)درس الجدود مساير(ن)ركب الحضـاره

ثروتـي عـرف الرجـال اهـل اللبابـه والفهامـه

اعتبرهـا اكبـر غنيمـه واعتبرهـا اكـبـر تـجـاره

ماطمعـت الابـربـي خـالـق(ن) شـرقـه وشـامـه

الحكـيـم الـلـي رضـيـت بـكـل حكـمـه واختـيـاره

والصبـر دقيـت بابـه عـن شقـا الــذل ومقـامـه

احتفابـي واحتـوانـي واحتـفـل بــي فــي ديــاره

والليـالـي لــو تـكـدر حـزنـهـا مـثــل الغـمـامـه

تنقشـع والـروض يزهـر ويتمايـل فـي خضـاره

والفجـر لابـان ضوحـه يقتـل اللـيـل وضـلامـه

يبتدي صبح(ن) جديـد(ن) يكسـي الكـون بنهـاره

الامل مشرق ويرسل مـن شقـا الغربـه سلامـه

ناوي الرجعـه.. مـن اللـي ياخـذ لعلمـه بشـاره؟

لاح برقه وارقصـت لـه كـل ضحكـه وابتسامـه

والصـحـار المهمهـيـه دونـهـا نـسـدل سـتــاره

بـعـدهـا مـالــه عـلـيـه لاعــتــاب ولامــلامــه

الحسـود اطفيـت ضـوه والحبيـب اوقـدت نــاره

________________

سيدي
عايد السميري
وهل بعد هذا الكـــــلام كلام
الشكر في حقك قليل و مهما قلت لن أوفي حقك
فقد و ضعت بين أيدينا لنا قصيدة
كتبت بماء الذهب
وسطرت باللؤلؤ
أنها رائعة بحق من شاعر طالما تعلمنا من يدية الابداع

مشهور يوسف السرحانــــــــــــي
كم انت رائع .. رائع .. رائع ..
بكل الكلمات والمعاني

تقبل كل تحياتي
اخوك
يمكن غلا

الاخ عايد السميرى مشكور على جهدك ولمساتك الذهبيه زاويه اكثر من رائعه

والقصيده دره من الدرر النفيسه فشكرآ لشاعر مشهور يوسف على قصائده المميزه