بقايا أنسان

اولا.. ..

يسرني ويشرفني أن اكون بينكم

احببت ان اشارك بهذه القصيده بحثا عن دعاء لاخي حمد راشد الوابصي

يااعز انسان على دروبي على دروبك بقايا أنسان

ــــــــــــــــــــــــــــــــــــــــــــــــ يدّور بالدروب دروب تودّي يمّ راعيها

على ذيك الدروب أمشي واعذّب خافق (ن) شفقان

ــــــــــــــــــــــــــــــــ هجر روح (ن) تنادي له تركها ما أعترف فيها !

هجر روحه لاجل روحه يدوّر بالوطن اوطان !

ـ ــــــــــــــــــــــــــــــــــــــــــــــ هجرها فدوه لذيك الدروب ورجل واطيها

على نفس الدروب أمشي وأعذب خافق (ن) ولهان !!

ــــــــــــــــــــــــــــــــــــــــــــــــــ ــــــــــ وأعذب دربنا بذكرى تبّكيني وأبكّيها!!

حسبت الدرب ينساني و ينسى كل شيء كان !!

ــــــــــــــــــــــــــــــــــــــــــــــــــ لقيت الدرب يسألني عن أيامك وماضيها !!

لقيته ينحب! يهذري! يضم السور والجدران !!

ـــــــــــــــــــــــــــــــــــــــــــــــــ وتضمّه حيييل هالجدران تواسيه ويواسيها !!

لقيته يلثم الذكرى بما فيها فرح واحزان !!

ــــــــــــــــــــــــــــــــــــــــــــــــــ ـــ يذكّرني بزمن عشناه ! يبكّيني بحكاويها !!

يسولف! يضحك ويبكي! يقولّلي كان وكان وكان

ــــــــــــــــــــــــــــــــــــــــــــــــــ ــ يسولف لي سوالف عنك انا من جد ناسيها !!

سألني عنك حمد وينه عسى ما هو معك زعلان ؟؟

ـــــــــــــــــــــــــــــــــــــ عسى ما شر عسى مافيه علوم (ن) عني تخفيها ؟؟

عرفت فلان بوجودك وعرفتك في وجود فلان

ــــــــــــــــــــــــــــــــــــــــــــــــــ ـــــــــــ ياكيف اتجيني لحالك ومواعيده تخلّيها !!

وتلعثم صبرا بصدري وعيوني هّلت الكتمان !!

ــــــــــــــــــــــــــــــــــــــــــــــــــ ــ وبدى حزن البشر كله من اقصاها لدانيها ! !

وجاوبت دروبي بدموعي وكل شيء(ن) عليها فان

ــــــــــــــــــــــــــــــــــــــــــــــــــ ــــ وصرخ كل شيء على دروبي وفاته لاتطرّيها !!

بكى ذاك الجدار اللّي عليه اسمي مع اسمك بان !!

ــــــــــــــــــــــــــــــــــــــــــــــــــ ـــــــ كتبنا الذكرى بيدينا وتواقيعك تحلّيها

وبدى ذاك الشجر شاحب تساقط هلّ للاشجان !!

ــــــــــــــــــــــــــــــــــــــــــــــــــ ــــــــــــــ نثر حزنه على وجه الدروب وكل مافيها !!

تعال اتعبت انا دروبك ادوّر للوفاء عنوان
ــــــــــــــــــــــــــــــــــــــــــــــــــ ـــــــــــــــــ ادور شيء من صدقك ..صفاتك وين الاقيها ؟؟

تعال وشوفني بعينك اعيش بعالم(ن) خوّان

ــــــــــــــــــــــــــــــــــــــــــــــــــ ــــــــــــــــ بعالم ياحمد من فيه (حاميها وحراميها )!!

مابين الذكرى والواقع سجينه لهفه البيبان !!
ــــــــــــــــــــــــــــــــــــــــــــــــــ ـــــــــ تبي تلثم كفوف يديك ! تعال المس محانيها !!

الأ ياصبري احضنّي الأ يانعمة النسيان

ــــــــــــــــــــــــــــــــــــــــــــــــــ ـــــــــ تعالي استوطني ذيك الدروب وكل أراضيها

الا يارب ياغفّار بعفوك ياعلّي الشان

ــــــــــــــــــــــــــــــــــــــــــــــــــ ـــــــــــ طلبتك تغفر ذنوبه من أولها لتاليها

وعساه بجنه الفردوس الا يارب يارحمان

ــــــــــــــــــــــــــــــــــــــــــــــــــ وعسى مثواه ياربي من الجنّات عاليها

( اللهم ارحم حمد راشد الوابصي وجميع موتى المسلمين )

اللهم اجعلني في عيني صغيرا وفي اعين الناس كبيرا .. .. ..

موسى محمد الحمراني

ألف ألف صح لسانك وطيب فالك

إرتويت اليوم شعرا .. من هذا المتصفح

حضور رائع وقوي .. يجعلنا نعيد ترتيب الاوراق



والله يرحم حمد ويسكنه فسيح جناته

ويلهمك ويلهم أهله الصبر والسلوان

( تركت هنا بصمه لن أنساها ما حييت )

والله يرحم حمد ويسكنه فسيح جناته

صح لسانك
اخوي موسى

هــناك وفــاء فـي هـذا العآلــم لا نـنـكر ذلك الشيء ولـكن نـجد

ان الوفـاء احيآنآ يـرحل مع رحيل من نـوفي لـهم ولـكن ..!

هـنا التمسنا الوفاء الـصادق من انسآن ( صـادق ) مع نفـسه

قبل ان يصـدق مـع حروفـه فنـثر لنا الجمال الوفائي للـصديق

الراحل قبـل ان يـنثر لنا الوفاء الأبـداعي في هذه القصيـده

التـي تعـبر عن مصادقيـة الوفاء وعـن حـق الصديق وان رحـل

عـشؤ سـنوات من رحيل المرحوم ( حمـد راشـد الوابصي ) ولـكن

لآزال الوفاء ينـبض بشاعرنا رغم هذه الفتره الطـويله ..التي كفيله

بأن ينسى بـها الشخص منا اقـرب اقاربـه .. هنا درس حقيقي

عن الوفاء .. صـح لسآنـك ابو ريان وعلى شانك على هذه الشآمـخه ..!




ورحـم الله المرحـوم ( حمـد راشد الوابصي ) وأسكنه الله فسيح

جنآتـه ونسأل الله ان يجمعكم بـه بجنات النـعيم ..!

موسى محمد الحمراني البلوي
الرجل الوفي الرجل الطيب الرجل لذي لاينسى أصدقاءه
رحم الله (حمد راشد الوابصي ) وأسكنه فسيح جناته

.
محبتي



.
نواف النجيدي ( أبو أسامه )

( اللهم ارحم حمد راشد الوابصي وجميع موتى المسلمين )