حوار مع البراءة

أولا / نعرفكم بضيوفكم هنا :
عبدالوهاب موسى : الصف الأول متوسط ، 13 سنه .
سماح موسى : الصف الرابع إبتدائي ، 10 سنوات .
شهد موسى : الصف الأول إبتدائي ، 7 سنوات .


.
ثانياً / مع إجاباتهم :

1- وش تعمل اذا كنت فاضي ؟

عبد الوهاب / أتابع بعض برامج التلفزيون أو على الكمبيوتر .

سماح / أقرأ .

شهد / أقرأ .

2-لو فزت بألف ريال ايش تسوي فيها؟

عبد الوهاب / أعطي أمي جزء و الباقي لمصروفي .

سماح / أتصدق بجزء و الباقي أشتري لي أغراض .

شهد / أجيب لأمي و أبو ي عطر و لأختي الصغيرة ألعاب .

3-وين تحلم انك تسافر بألأجازه ؟

عبد الوهاب / اليابان .

سماح / فرنسا .

شهد / حقل .

4-لو صرت مدير مدرسه وش بتسوي؟

عبدالوهاب / ألغي طابور الصباح .

سماح / أجلس على الكرسي الدوار و ألفففف ألفففف ألفففف .

شهد / أقول لهم إنهم يجتهدون في الدراسة .

5-تحبني
عبد الوهاب / نعم
سماح / إيوه
شهد / إيوه

طيب ليش؟

عبدالوهاب / لأنك والدي .
سماح / لأنك تجيب أغراضي .
شهد / لأنك تتعب لي .

6-إيش تعرف عن :

,,الانسولين

عبدالوهاب / لا أعرف
سماح / ما أعرفه
شهد / ما أعرفه

,,الانترنت

عبدالوهاب / شبكة عالمية فيها كل المعلومات .
سماح / أي شيء نريد أن نعرف عنه معلومة يجيبها الانترنت .
شهد / هو النت .

,,مجلس الشورى

عبدالوهاب / يقام كل إثنين يتشاور فيه كل كبار الدولة .
سماح / ما أعرفه .
شهد / لا أعرف .

,,الاتيكيت

عبدالوهاب / شيء متطور تحسن فيه المواصفات و التعامل .
سماح / الشيء اللائق و المحترم .
شهد / هو الشيء الحلو .

,,التعليم العالي

عبدالوهاب / جهاز مثل وزارة التربية و التعليم يختص بالجامعات و البعثات .
سماح / تتعلم أكثر من العادي .
شهد / لا اعرف .

,,الماركات

عبدالوهاب / الاشياء الأصلية تأتي من الدول المختصة بها .
سماح / الشيء الجديد يأتي الينا من خارج المملكة .
شهد / الكرتون .

,,الستالايت

عبدالوهاب / قنوات بعضها إسلامي و بعضها خاص بالأطفال و بعضها خاص بالأغاني و غيرها كثير .

سماح / الدش .

شهد / لا أعرف .


.

إنتهى و قد نقلته لكم كما هو .

.

ننتظر الأخ يوسف صالح العرادي ، و مع ضيوف جدد يختارهم لنا .

موسى
باسم الله ما شاء الله عليهم
الله يحميهم اخى
ويحفظهم ويقر عينك بهم
وتفرح فيهم اخوى
حقيقي اسعدنى اللقاء هنا

ونحن بانتظار الاخ يوسف مع ضيفه اتمنى ان لا يتاخر علينا

هــذي منجد صريحه هههههههههه
سماح / أجلس على الكرسي الدوار و ألفففف ألفففف ألفففف .

ماشالله عليهم الله يحفظهم لـك ويقر عينك فيهم ويجعل فيهم الخير للأسلام والمسلمين وأنفسهم

الله يحميهم ويحفظهم يارب

ماشاء الله تبارك الله مايلعبوا عيالك واحد اليابان والثانيه فرنسا

وكله كوم وسماح كوم


لازم تشتري لها كرسي خليهااااااااااا تلف وتلف لغايه ماتدوخ

مشااااااااء الله الله يحفظهم يارب


يهبلووووووووو بس الدلوعه شهد غير ؟؟؟



ننتظر ابو صااااااالح

نوره حبيبتى
اى شهوده فى الدنيا لازم تكون دلوعه وعسوله كمااااااان
الله يحميهم لك اخوى موسى