الماهر
يالقصير قرب وشد حيلك لوسمحت=يوم شفت اسمك ظهر قلت فرصه سانحه
غـايبـاً عـنا لك ايـام بالله وين رحت=الرفـيـق اللـي يودك لــــزوم اتـصـارحـه
القصير
والله اني يوم شفتك على الساحـه فرحـت=ظاهر اسمك عندنا وانـت تـوك ماسحـه
كنت في دار العرب فالبحر غصت وسبحت=وأنت شاعر تحسب اليـوم مثـل البارحـه
الماهر
دامت افراحك وانا عنك يالغالي صفحت=ماحسبتك تجلب الصالحه والطالحه
يوم طبيت البحر كم خسـرت وكـم ربحت=بضعتك عند النشاما عساها رابحه
القصير
أنته اللي كاتب الخط وانت اللي مسحت=بعد ما جتك المياه العاذبـه والمالحـه
كاسب النوماس والطيب يالغالي نجحت=والغشيم ليا اعترض بالطريق اصافحـه
الماهر
كم عذلتك كم نصحتك ولكن مانتصحت=ياكثر ماشـفت غيرك لـسانه فاضحه
مايسرك مدح نفسـك لو الحالك مدحت=والغشيم انكان ماعجبك فعله مادحه
القصير
اللسان حصان يا لاجودي لك شرحت=مافهمت الدرس وافكاركـم سارحـه
يالعتيبي ينشرح بالي ليا انك فلحـت=وثق الخطوة وأنا خطوتي واضحـه
الماهريازعيم القاف وشبك عن المغزى شطحت=واعسـى مـاخانـتك يالخـبير القارحه
كـنـك اتـكهــربت مـني وانا لـك ماجـرحـت=يابلي كب النصيحه وهي من صالحه
القصير
ننهضك ياوسيع العرف لكـن طحـت=كلمة الجـد غيـر الكلمـة المازحـه
كان من صالحه جات النصيحه نزحت=لاتجي هرجـة منـي لهـا جارحـه
الماهر
مايضر الضلع لو له بقرنينك نطحت=الجبل راسي وقاسي ياكيف اتناطحه
ياحليـلك كل ماشـفت لك غبه جمحت=يامـهـاوي صـالـحـه والثنايا طافحه
القصير
كل ما طول المشوار ياشين نحت=تفرح الشامتين او تحزن النياحه
والله اني أنا عن ديرتي ما نزحت=وانت ودك تغش الناس بالطامحه
الماهر
يالقصير لو تطول المساري ماسترحت=والعذول الشامت اله الهبوب اتلافحه
انتزحت وكلما ضاعت اعلومك صدحت=والغشش كانه سرابك عليك اتكافحه
القصير
المساري لوتطول من المسـرى طرحـت=والرعـد والبـرق يـادوب تبصرلايحـه
ساريٍ مسرى العجم لاغتبقت ولاصطبحت=والسـلام ختـام والعـود يكفـي فايحـه
اللهم أعز الإسلام والمسلمين
القصير
الأخ الغالي الشاعر القدير القصير
شكراً من الأعماق على مشاركتي
بالمحاوره والعذر والسموحه
لو بدر مني اي خطأ بدون قصد
والى لقاءً قريب انشاء الله
الذين يشاهدون الموضوع الآن: 1 (0 من الأعضاء و 1 زائر)
المفضلات