من أجمل ماسمعت في مدح ( قبيلة بلي )

( ربعــي بلــي )

ربعي بلي .. ذباحت الحيل ياسعود = أهل الكرم والجود .. وأهل الزعامه
تاريخهم ماضي وحاضر .. وموجود = حطّوا لهم بين القبايل .. علامه
قبيلة ٍ دايم لها العز .. في زود = حمّاية الأذواد .. يوم القوامه
أفعالهم فيها تواريخ .. وشهود = كل ٍ لهم يبصم براحة إبهامه
من ذعذع الغربي .. ومع ذعّت النود = جيش المعادي جاك .. سامك عسامه
صغيرهم ماجاك .. مرمي ومطرود = يشفي غليلك كان طش ّ العمامه
لنه سمع صوت الطلب .. جاك مردود = يهوش مثل النمر صعب ٍ لطامه
لو كان قدم العين ملح ٍ وبارود = عقيدهم من بينهم حيل ظامه
ولو كان قدمه جيش قوات وحشود = ما هابهم والموت مثل> .. السلاااامه
هذي بلي ياللي جهلتم بها زود = نطيحهم تطحن صمايل عظامه
خلوه يركع بعد ماهو يبي الفود = من بعد كبر النفس حطّوا إخطامه
ربعي بلي وإن مال .. عود ٍ على عود= للضيف ريف وللمعادي ندامه
هذا كلام مثبتينه وماكووود = ماهو كلام أللي كثير ٍ كلامه
وإيضا القبايل كلها .. نمور وفهود = من اليمن لين البحر لين شااامه
قبايل ٍ بارض الجزيره لها إسدود= لأجل العدوا ماتخضع بكل هامه
وربعي بلي وإن صار حد ٍ .. ومحدود = من الجمل ماتاخذ إلا سنااامه
حق ٍ علي أمدح فعايل هل الجود = مداحهم مايوم جته الملامه
وصلاة ربي عدّ .. ماحجة وفود = على نبي ٍ .. ماشيين إبنظامه

الشاعر / تركي خليفه نصر الله السحيمي

صح لسان الشاعر
والله يعطيك العافية على القصيدة الجزلة الوافيه

ماقصرت صح لسان شاعرنا وبيض الله وجهك ووجهه

منقول جزل و جميل ورائع


لك الشكر ياأسعد علي هذا النقل


تحيتي ومحبتي

قصيده رائعه وجميله

واستمتعت بها

اشكرك اسعد واشكر الشاعر