تكرم وتكرم لابتك قحطان والمجد التليد .. قصيدة مهداة للقناص ياسر القحطاني

ياسر القحطاني وما ادراك ماقاله الناس فيه !!!

في تواصل مباشر مع الشاعر الاخ محمد بن عويضة اليامي تم الحديث معه عما حدث في الفترة الاخيرة مع الكابتن ياسر القحطاني وبصراحة الاخ محمد رغم عدم هلاليته الا انه كان متنرفز جداً من كل اللي صار وأصر انه يهدينا جميعاً رساله بصوته عبارة عن قصيدة موجهه للجميع وخاصه كل من أكل في لحم الكابتن ياسر ..





هذي رسالة الشاعر محمد عويضة اليامي


السلام عليكم
بصراحة شي مؤسف اللي صار
ما اقصد قضية ياسر .. لا لا
أقصد الشعب السعودي إللي للأسف أكل لحم ياسر وهو حي
من فينا ما يغلط ؟؟ هذا إذا فعلاً ياسر غلط والقضية صحيح
عموماً ..
لاحظت إن اغلب الناس قام يزيد على السالفة ويرسلها لغيرة بزعمة جاب شي جديد وحقق إنجاز في حياته !
يا جماعة .. الله سبحانه وتعالى أمر بالستر
والستر من حق الجميع .. مشاهير وغيرهم
خافوا ربكم .. ترى كل واحد معرض لموقف شبية لهذا ..
وإذا ما تعرض له هو بيتعرض له واحد من قرايبة أو حبايبة
والمفروض نوقف كلنا مع ياسر بهذا الوقت مو نوقف ضده
ياسر قدم لكم بطولات وياما رسم الضحكة على وجوهكم يالسعوديين
حتى لو نفترض إنه غلط .. مو نطردة من الملة
الله لا يردها رياضة وتعصب دام بناكل لحم اخونا حي
انا احب اهديكم قصيدة واتمنى الرسالة اللي فيها توصل لعقولكم
وأقسم بالله العظيم ماني مشجع هلالي ولا أكره النصر ولا الإتحاد
أنا أهلاوي في حالي ومشجع متزن ومالي بالتعصب الغبي
اخوكم / محمد بن عويضة اليامي







تكرم عن العيبة ويكرم شاربك يابوسعيد
يبطون ياوجة محلف ربع النمايم والكلام


ماني هلالي لا ولا ضد النصر وإلا العميد
يامي وتاخذني الحميا للقحاطين الحشام


من روس قوم مالها في (قال زايد قال زيد)
فينا عقول تميز الشاهين من فرخ النعام


حتى لو إن العلم صدق أقولها عبر القصيد
كبوة جواد وكلنا نخطي ياعمي والسلام


لا منت بالأول ولا الآخر ولا أنت الوحيد
كل آدمي يخطي ويتعلم عدا خير الأنام


الواجب نوقف مع المخطي ولا نقعد نعيد
أخطاءة ونقعد نشهر به ونكسب بة أثام


يعني نسو (القناص) يومه للبلد دايم يصيد
قدمت لبلادك فرح وامجاد يا راعي السهام


يا(ياسر) الموضوع ماهو (منهو إللي مستفيد؟)
ولاهي بقصة رياضة أو تصاريح وملام


السالفة وشلون ينسى المسلم العلم الأكيد
بأن دم المسلم المؤمن على المسلم حرام


تناقلوا هالسالفة عبر المواقع والبريد
كلن يزيد شوي من عنده ويرسلها قيام


أنجاس يجري في عروق أجسامهم قيح وصديد
هذي وصوف إللي يدنس عرض عالين المقام


تكرم وتكرم لابتك قحطان والمجد التليد
يشهد بأنكم ياولاد مظيم قوم(ن) ماتظام


العز منكم زاد عز وفي ذراكم يستزيد
ما الله خلق فيكم سفية ولا جبان ولا هلام


قل (حسبي الله) واترك الباقي على رب العبيد
وإسلم وسلم لي على ربعك بإسم صبيان يام




القصيدة للتحمل من هنا ..


http://www.4shared.com/file/95192911...aaaaaaser.html

ونـ ع ــم والله بـ يــام

ونــ ع ــم والله بـ قحطآن ..!

قصيده رائعه من شاعر رائـع ومتزن ..!

الأخت ليآل .. يعطيك العافيه على هذه القصيده

تقبل جل ودي وتقديري ..!

المشكلة هي عدم وجود الوسطية في التعامل مع القضية /

فالأغلب إنقسم قسمين :

- قسم يقدس ياسر و يعتبره منزه عن الخطأ .

- و قسم يتشفى و كأن هذا المُتشفي معصوم من الخطأ أيضاً .


أعجبني هذا البيت /


السالفة وشلون ينسى المسلم العلم الأكيد
بأن دم المسلم المؤمن على المسلم حرام


.

و شكراً للنقل

- قسم يقدس ياسر و يعتبره منزه عن الخطأ
- و قسم يتشفى و كأن هذا المُتشفي معصوم من الخطأ أيضاً .

وكلام ابو نادر يكفي

خلاص ريحونا من هالسالفه

ماودي ازعل المشرفين

صح اللسان الشاعر الكبير

ونعم بقحطان ...

والحمد لله انها أشاعه والدليل رجوعه للمنتخب ...

على طاري المنتخب الف مبروووك الفوز والله احس راح نتأهل الى كأس العالم يا رب ...

الاخت ليال

الف شكر لك ابدااااع يا ذووووق ...

مشكووورة الف شكر اخت ليال على النقل
والسالفه خلص انسووووها !!!