قصيدة شاعر العرب محمد ظاهر التي القاها بعد تأهله بمسرح قرناطه ( بالكويت)

أقولها وأقول مـن بيـن الأقـواس=هذا هـو العنـوان مبـدا الثمينـه
أقولها من حرف يبنى على سـاس=رسـم المشاعروالمعانـي غشينـه
ياشعر جاوبني على كـل نبـراس=وقف معي ياشعر صْـدق وسكينـه
يا شعر سولف دام دقن الاجـراس=دوك الكنين وصـب خافـي كنينـه
ياشعر لا تسولف سواليف حسـاس=مليـت أناالتاريـخ كـلاً وحيـنـه
الفكر مبحـر والمعانـي لهـا راس=ترسي على مرساي مثـل السفينـه
يقودهـا ربـان ماهـر وغطـاس=يخطف مـن المكنـون دُره ثمينـه
مثل الاصيله وإن عدنْ قب الافراس=من اول بنات الفكرفـارس تعينـه
يعجب لززها لا أقترب كل نوماس=خطراً رسنها ينفـرط مـن يدينـه
من فكر شاعروأن نظمها على قياس=ما حركه هرج العـرب والضغينـه
الشعر للشعـار مدهـل ومجـلاس=قدره رزين ولـه مكانـه رزينـه
الشعر يجري بالمشاعر والاحساس=فوق الخيال يشوف حرفـي بعينـه
أنتحت صفاته نحت من قبل تنحاس=وأشرب قراح الجم وأزحم قطينـه
ياشعر شوف عراقنا اليوم ينـداس=والقدس تصرخ والمشاعر حزينـه
للسيف شذره عانقـة درة المـاس=صافح ذهبها مـن صفاهـا جبينـه
ضاع التكاتف بيننا ضد الانجـاس=ضد الطغـاه وضـد عالـم لعينـه
مره على برلين ومـره لتكسـاس=بين الرجاء والياس والحـال شينـه
ومره على بيروت ومره على فاس=والوضع مزري والجبانـه مهينـه
نبض المشاعر من ضمائر بالانفاس=واعلن بها بالصـوت يـا ذاكرينـه
ما عاد فيها حل والوضع حسـاس=ألأ نـداء المقـدام حامـي عرينـه
صقر السلام ينادي السْلم يـا نـاس=من خـادم البيتيـن تسلـم يمينـه
وحنا على يمنـاه للديـن حـراس=حـب وفـاء للديـن ومبايعيـنـه
دار ابو متعب ديرة المجدوالسـاس=تبقـى المشاعرفـي ثراهـا دفينـه
بأمر الذي نزل تبارك مـع النـاس=ألأ يعـز الله فـي يــوم ديـنـه
يا الله أنا راجيك رجوى بلا يـاس=نصرك وعزك كـل مسلـم تعينـه

محمـد بـن ظاهـر الميهـوبـي

ما شاء الله

قصيدة جزلة و معاني ثمينة

شكراً للشاعر محمد ظاهر الميهوبي هذا الإبداع

و الشكر موصول لك أخي عايد السميري

.

صح لسآنه
.
ونتمنـــى له التــوفيق والســـدآد
.

محمد بن ظاهر انت شاعر وان شاءالله لن تخرج من هذه المسابقه الي مرفوع الراس

اخي العزيز عايد السميري

تحياتي وتقديري لك

واشكر شاعرنا محمد ظاهر الله يوفقه ويسدده

وتقبل سلامي