الشاعر/ حمود حمد السرحاني وقصيده موجهه للشاعر الكبير/ رشيد المطرفي رحمه الله

الشاعر الكبير / رشيد المطرفي رحمه الله تعالى من الشعراء الذين تفخر بقصائدهم قبيلة بلي لجزالة شعره وكان من الرواة المعروفين , كان صديقا حميما لوالدي رحمهم الله جميعا وجرت بينهم عدة مساجلات , له قصيده معروفه عندما تقدم به السن يقول مطلعها:-
يابدر جدك زاره العم عواد لامرحبا به يوم شرف وجاني
ومع الاسف فاني لااحفظ قصيدته كامله لذا ارجو من الاخ العزيز ابن الجزل زيارة ولده سعود اذا كان بالوجه وياخذ منه القصيده كامله ويتحفنا بها( اذا ماكان عليك كلافه يابوناصر)
والعم عواد كنية عن الكبر, وقد جاراه خالي/ حمود بن حمد السرحاني بهذه القصيده

يالمطرفي تشكي من العم عواد= وبزيارته ضيق عليك المكاني
ابقربكم ثبت طويلات الاوتاد=مدد احباله واحتكم بالمثاني
يالصاحب اللي في معانيه كم فاد=يرقا الطويل ولايحب الطماني
تحفظ له الايام حقه بالامجاد = وفي مجلسه ماقيل له مغلطاني
لو ليت تنفع قلت ياليت عواد=عنكم تريض والتهى بالخناني
ولوتنفدى نفداك في شعب بغداد=كلمة وفا مابغى بها شي ثاني
زايرك هذا له جماعات وافراد=وغارات خيله ترهب المودماني
قبل امس صادر واصبح اليوم وراد=في منهجه يمشي طريق السواني
كم اقتنص في غابر الوقت بولاد=اللي مشن خلفه بنات العماني
يمشي وراه منكس الراس منقاد=خلاه يمشي منحني دلبحاني
وكم غيرت خيله مجاهيم الاذواد=تبدلت حيرانها ويضحاني
ماينعذل لوقيل له يابن الاجواد= خل الصديق وخل راع الحساني
ماعف شين الوجه عن غض الانهاد=اللي بزوله كنه الخيزراني
حناه حني القوس واسقاه الانكاد= وخلا لياليه الطويله ثواني
قعد لهن في كل وادي ومرصاد=وغير وجيه(ن)كنها الديدحاني
اشهوهبن الروس وانكرن الاحفاد=وعادن لعمر المهزله والهواني
وسلامتكم,

شاعرنا المبدع


مشهور يوسف السرحاني


يعطيك العافيه على تزويدنا بهالقصائد الثمينه
لشعرائنا

وحقيقه قصيده جزله

سلمت يد ناقلها

ورحم الله قائلها


ودمت بخير أخي : مشهور

ابو يوسف شكرا لك على هذا المجهود الطيب
وقصيدة المطرفي موجوده عندي سوف تراها قريبا

اخوي عايد ماعندنا قليل مما عندك فانت شعلة نشاط وابداع في هذا المنتدى..........
اخوي ابوناصر مشكور على سرعة الاستجابه والطيب مثلك تلقى عنده كل علوم الطيبين............

مــشــهــــــــــــور ..

كن بالقلب أنت وماتتحفنا بـه من معاني تروي ذائقتنا بـهـا ..

أطيب الـمُــنــى ،،

سلمان الـعــــرادي

رحم الله الشاعررشيد المطرفي

وسلمت يدك شاعرنا مشهور السرحاني

قصيده جزلة المعاني احسنت الاختيار

دمت بخير