يوم الزمان الشين يكشف قناعـــــــه 000

الملف الشخصي · 04-16-2009, 08:05 PM

يوم الزمان الشين

يوم الزمان الشين يكشف قناعه = وتزري بي الفاقه على غير مسنوع
يا كبر شرهاتي بجود الجماعــه = ولّلا 0العتب عن باقي الناس مرفـوع
اطمع بجود اهل المكارم طماعه = اللـي مكارمهم لها ساس وفـروع
اللي تحـلـّوا بالكرم والشجاعــه = في كل يوما ذكرهم طالع اطلوع
رجالهـم بالجود ياطول باعـــه = الضيف والجيران في خيره ارتوع
جوده ومجهوده فعايل ذراعــــه = له صيت مع كل المخاليق مسموع
بعض العرب بالنفس عنهم قناعه = لوحاجتي من عنده اصبرعلى الجوع
عندي عزوم وعند نفسي مناعــه = وماني مراودها على شي ممنوع
يللي تطب السوق تشري بضاعه = لاتشتري ياكود من غايت النوع
الى لقيت الشين 0 والزين باعه = دور على اللي عنده الزين مصنوع
ون ما يراعي صاحب الزين راعـه= ادفع لو ان السعر مثني ومربوع
نوبا يضيق الكون رغم اتساعه = ونوبا تهيم النفــس بآمال وطموع
يا نفســي الدنيا قلــيل متاعــــه = ونتي تبي مشروع من بعد مشروع
والروح مع كل ابن آدم وداعــه = ولابدها فـــي يوم للخالق ارجوع
ولاتدفع الاقدار بالاستطاعه =الاان بعض الشر بالخير مدفوع
وياحب نفسي للعفو والشفاعـــه = ويا حبها تشرب من الحوض قرطوع
ياربي ارفع لك اكف الضراعـــه = والعين تذرف دمــع والقلب مفجــوع
القلب مني داعي الخوف لاعه = والنفس مرسول الندم لاعها 0 لوع
بين الرجاء والياس ساعه وساعـه = حـبل الرجاء بالله ماهــو بمقطــوع
العمر في زهرة شبابه نفاعــه = ولّلا 0 ترى تا ليه ونـه ومـركـوع
والشّـب للانسان يصعب رجاعـــه = اصعب على الانسان من حبة الكوع
يالله ترزقنا صلاح الزراعــــه = اجعـــل تعبنا يتبعــه خير ونفـــوع
اجعل عملنا باقي العمر طاعه = لك ياعزيز الشان سجود واركوع
وصلوا على الواجب علينا اتباعه = صلوا على سيـّد البشر خير متبوع

وسلامتكم