ياراكب اللي توماعد الاميال=يوم اكمل التمرين غيرت زيته

جمسن مصفح منسرد ماله امثال=ناوي على المشوار يومي شريته

ماجيت اسومه واقفن عند دلال=من بين الوف موقفاتن قنيته

يقطع بعيد الخط وعرات واسهال=لولاي عارف مذهبه ماقديته

يلفي صديق بوادي الكر نزال=يضحك حجاجه حيث لني لفيته

نعما بابو فالح على طيبة البال=يونس الخطار زين اتهليته

يلفي محلن للاجاويد مدهال=شيخا علىساس الاهل قام بيته

ريف المقاوا يوم الارزاق شمشال=وقتن يبور ابه الردي لو نخيته

ولا هو من اللي للسوايات نقال=مع الكرم والجود زين السميته

وابغى قبول العذر ياطيب الفال=اوضحت عذري حالفن ما كميته

اخلفت وعدك والسبب كثر الاعمال=شيا يجول بخاطري ماقضيته

وان كان ربي زاد بالعمر الامهال=لابد ما وفي بعلم حكيته

اللي مضى محفوظ لو راحت اجيال=والله ترا ان اجواركم ما نسيته

ما ينكر المعروف يا كود الانذال=واللاش يخلف هقوتك لانصيته

دنياك يالمحبوب نازل ورحال=كم واحد عقب السفر ما لقيته

واقبل سلامي عد ما واديا سال=واعداد عشبا بالمفالي رعيته

وصلاة ربي عد ماهل همال=على نبيا بالهدا عم صيته





ابــن الجــزل يعطيك العافيـــه على هذه الرائعــه

ورحمهما الله جميــعاً

استمر في عطائك ننتظــر منــك المـــزيد

تحياتي لك