قصيدة نصح وتوجيه لشاعر الكبير زيدان جمد الميهوبي

هذه قصيده لشاعرنا الكبير / زيدان حمد الميهوبي تحتوي على العديد من الحكم والنصائح ارجوا ان تستفيدوا منها,,,,,,,,,,,

يقـــــول من عـــدا على نابيــاً زم= هو باليمن وهله يعيشون بالشام

اسمـــــــــــه ظمك تلاً طويلاً وملتـم= يتعب جناح الطير فوقه الى حــــــام

ســـــــــر ياقلم وكتب مثل ماتكــلم=طرايـفــــاً ودي تسـجلها الاقـــــــلام

فيـــــــــها نصايح للغشيمين وحكم=واللي لكسب المجد ناوي وجــــــزام

لو عــشت بدياراً غريباً ومهتم=ولا تعـيش بـــدار الاقــراب منضــــــــــام

خلك عزيز وصون عرضك عن الذم=شم للكرامه والكرامه للكــــــــرام

واللاش لو عارضك بدعواك ما يهم=لو به سنع تلقاه في حاجته قــــــــام

وان شفت لك تايه بغبات وضلم=قم ونصحه وعطه دواليل وحــــــــــــكام

ان طـــــــــــــاع ولا سيبه ويتندم=يكفيك فيه مفسرت عوج الاحــــــــــلام

كم من غشيماً بالنصايح تعلم=وكم من سفيهاً منفعت بيه الاعـــــــلام

لا صارما انت بدرب الامجاد مغرم=ترضى على الذله وتمشي بلا حزام

جبت المثايل بعد قمت اتوهم=بخبار ما يازن لـــــــــــــــــها برد واردام

روابعاً بين الضماير ترادم=فكري بها محتار والقلب همـــــــــــــــــــام

عيت تنام العين لو قيل لي نم=اليا استهم القلب وشلون ابا انـــــــــام

هاجوس يجري به كما يجري الدم=يخوض في عوجا كبيرات وعضام

ياليت ما يحصل بهن فتحت الفم=افواه كفارن تلبس بالاســــــــــــــــلام

قطاعة العرض العزيز المحشم=قضابة الغيبه خبيثين الاجســـــــــــــام

ضحاكتاً بالوجه وقلوبهم صم=على الردى والا عن الطيب صيـــــــــــام

والا الرجال اهل المعزه تقدم=على الوفا غصباً على كل ذمــــــــــــام

دنيا ودين وكل شياً لهم تم=بامر الذي صور عباده بالارحــــــــــــــــام

الطيب لهل الطيب والنذل يحرم=يبقى ردي دب الليالي والايـــــــــــــــام

قم يالبيب انظر وفكر وتفهم=تفهم رموز الغيب من ماضي الاعــــــــوام

تراك بالتفكير تنجح وتسلم=تسلم من التيهه وزلات الاقــــــــــــــــــدام

والا الذي لك بامر واليك يقسم=ياتيك لاكن المعاصي بها تـــــــــــــــلام

واللوم شوم ولارضى فيه مكرم=ايضا ولا الناموس والباس هــــــــدام

راع الشهامه لوعن الشيم يهضم=يختار عن عيش المذله بالاعــــــــدام

عساك من تلك التشابيه تعصم=وخطاك ماصاب الرديين يغـــــــــــــلام

اي الغريق اللي غدا بغبة الجم=والا الضعيف اللي تولوه ظــــــــــــــــلام

احذر رجوع الحيه اللي تبرم=وضربتك جودها على هامة الهــــــــــــام

تحمد عواقبها وتقضي على السم=ايظا ولا تحتاج حاوي وحجــــــــــــام

تمت ولاني بالتواضيح ملزم=اهل المعرفه بالتفاسير فهـــــــــــــــــــــام

وختامها ذكر الرسول المكرم=رافـــع مقـــام الــدين هــــدام الاصنــــام

تحية على هذه الكلمات التي تزن الذهب لما فيها من جميل القول

اشكرك على حسن الإختار

شكراً لك يالغالي/وافي..
وصح لسان شاعرنا الكبير واستاذنا/زيدان..على هذه القصيدة

الشامخة والوارفة ..والغير مستغربه من شاعر علم

ومتعه الله بالصحة والعافية ،وامد في عمره وعمرك*

****
((احذر رجوع الحيه اللي تبرم=وضربتك جودها على هامة الهــــــــــــام


تحمد عواقبها وتقضي على السم=ايظا ولا تحتاج حاوي وحجــــــــــــام
))*


***

شاعرنا وكاتبنا الاستاذ (حماد ابو شامه) وشاعرنا المبدع( فالح السميري)

اسعدني مروركم كثيراً وتقبلو كل حبي وتقديري

نشكر الاخ/ وافي زيدان على هذه القصائد المميزه لشاعرنا الكبير/ زيدان حمد اطال الله بعمره ومتعه الله بالصحه والعافيه

وافي صح لسانك ولسان الشاعر الكبير زيدان بن حمد

ولك الشكر من القلب لاتحافنا بهذه القصيده