يا عقيد القوم وينك

ا

لقصيـــر
علي عايش الرقيقيص

منتظرين المزيد
والله يعطيكم العافيه

على لنا لقاء

عبدالله

ا

لقصيـــر
علي عايش الرقيقيص

منتظرين المزيد
والله يعطيكم العافيه

على لنا لقاء

عبدالله

اشكرك على مرورك ياشاعرنا الغالي

والله ابو عايش اثريك شاعر وحنا ماندري

تراة قرب يستسلم تكفا ابو عايش


استمر


لاتذهب بعيد يالقصير

كفوا يالربع
وبصراحه معلومه مفيده مادرينا بشاعريتك يا عقيد القوم
يا هلا بربع لهم شيمه ومقدار وانتبه يالقصير ترى الملعبه لها رجالها

القصير


ياعقيد القوم وينك غايب "ن" عـدة ليالـي
وانت لانك غبت ليلة كانها عشرين ليلـه
كان ما جا وبتني يا صاحبي با لعب لحالي
وان تغيب يا جماعة خير مـا دور بديلـه


عقيد القوم


مرحبا ياللي تدورني وتنشد عن حوالي
ابشر إني في معزه لي بلاد ولي قبيلة
تدري انك ياالتميمي عندنا رجال غالي
جاك رد العلم مني بالقصيرة والطويلة


القصير

يعلم الله يوم شفتك ينشرح فكري وبالـي
و انت عارف ماحد"ن" نفقده ياكود الدليله
خابرنك ذيب منزاله على رووس الجبالي
لاوقف مافيه حيله وإن مشى مافيه حيله


عقيد القوم


سج رجلك يا طويل العمر والمسـرى شمالـي
واحسب أحساب الخفيفة واحسب حساب الثقيلة
وانت ذيب ومنزلك دايم علـى راس الطوالـي
ان مشى ياقو حيله وان وقف يـا قـو حيلـه

القصير

من يخوض البحر يعرف غبتـه يـا هملالـي
وانت في وادي الجزل تسهرعلى قرص المليله
الذيابه لانـوت تسـري تراهـا مـا تبالـي
والجمـل لازاد حمـل القـوم دايـم يرتكيلـه


عقيد القوم



والله اني غصت فيه وجبت محـار ولوالـي
وانت با الحوطة تشب النار في خشم الفيتيله
اسر يا سرحان لا تربع بالأقصى والموالـي
وانت أظنك يا جمل حملك لا صمل ما تشيله

القصير
عندنا بترول بالحوطـة يحوفـوه الرجالـي
وأنت ما عندك ياكودالاثل ينبـت فالسليلـه
والله انـي فالبدايـه ماخذالدعـوه تسالـي
ميراشوف الوضع زين وصارت الكيله بكيله

عقيد القوم


راس مالك يا تميمي ما يساوي عشر مالي
الله انه يقطع اليمنى القصيـرة والبخيلـة
لا تسلى وانتبه للـي مخفـا فـي مقالـي
وانته امخير مابين الهيل واللا الزنجبيلـه


القصير


ياعسى خيرك كثير وكل ماعنـدك حلالـي
وإن بغيت الصدق حنا البخل مانعرف سبيله
كل ما عندك مخفـى يعلمـه رب الجلالـي
ما عطيت القوم يارجالي يعطونـك مثيلـه

عقيد القوم


الحلال الي معي ما تاصله مبطـي وتالـي
كم وكم وكم راس طاح بسيوف(ن) صقيلة
انت حضرت الإجابة قبل تدري عن سؤالي
يعني انت يا التميمي بين عدل وبين ميله

صح اللسانك يبويعقؤب خطيرخطيرخطير