ظهـــور النكايف

ياهجوس الشعر شدي من على ظهور النكايف=بعد ما صلتي وجلتي في مياديـن المراجـل
من على الحيزا تغني واطربي والجو كايـف=فلي حجاج الشموخ وغطرفي مع كل زاجـل
خدلجي خدالج منكف جرب الدنيـا وعايـف=له مكانه في قلوب الناس والمرسول عاجـل
بلغيها للرجال اللي لهـم شـآن ومضايـف=من هجوس اللي زرعها واثمرت قبل المناجل
الرجال اللي لهم وقفات مـن كـل الطوايـف=والمراجـل للبعيـد وللقريـب وكـل راجـل
الرجال اللي لهم نبراس يشعـل راس نايـف=الرجال اللي تسد النايبـه مـن قـدر باجـل
ما تعلـوا بالفلـوس ولا تعلـوا بالوظايـف=الرجال اللي كرمهم من وفاء والجود خاجـل
عل يفداهم حسود القوم ابـو تفكيـر هايـف=الحسود اللي كما الدجال اعـور باق داجـل
للطموح رجال تعشق عشقهم لأم الوصايـف=الهنوف اللي لها بين المـلاء قـدر ألأباجـل
الهنوف اللي لها مسكان من حدر السنايـف=الهنوف ام الحروف الساكنه في قلب وآجـل
الهنوف اللي لها المرباع وضلوعي مصايـف=لا ضربها الوسم غنت لأم سالـم والمساجـل
ما عليه من البشر لأنه نوى شـد الرهايـف =من سلايل هجنه اللي ما تقول الوضع آجـل

صح لسانك يابو فيصل

ولاهنت يالنشمي الله يعطيك العافيه

تحياتي وتقديري لك

شاعرنا القدير / أبو فيصل

صح لسانك مدد بلا عدد ولاهنت يالعذب على هالنص الفاخر
والله يعطيك العافيه

وتحيتي لك

صح الله لسانك
أخوي محمد قصيدة جزلة الله يعطيك العافية
وتقبل مروري

صح لسانك يابو فيصل

قصيده جزله استمتعنا بقرائتها

الشاعر / محمد الميهوبي





نص شعري جزل من شاعر جزل





وعند حضور هذا الشعر تقف جميع الحروف عن التعبيرعاجزة




لك تحيتي ومحبتي