قصيــدة تـــعبــر عـــن نفــسـهــا

بسم الله الرحمن الرحيم
قصيدة تعبر عن نفسها قلتها وأنا في محافضة الخفــجي

يالله ياواحد لنا خير معبود=إنك تزيح لي هم مثبت أبراجه

البارحة في الليل إلى الصبح ملهود=كني مريض وغاب عنه علاجه

من يوم ما كلمت أمي مع العود=كل (ن) يقول بالله كيف انتوجه
الصبر طال وإنت في البيت مفقود=وأبوي بين لي كثير إنزعاجه
قلت اصبروا لا بد من يوم موعود=إلين ماربي يجيب انفراجه
يا كود أقاوم لوعة البعد ياكود=خوفي على عقلي يجيه ارتجاجه
و اكتب سلامي لك مثني ومفرود=مادام كف القدر جاك بحراجه
سلام يا ناصر ولد فهد وفهود=سلام ياقرم (ن) منور اسراجه
سلام به ريحه مثل فوحة العود=وارق من لمس الذهب وابتهاجه
من لابة الحروب للعز والجود=والكل عند ربعة على الراس تاجه
وأنا بلوي جيتك على عرف وجدود=مثل البحر وان ضاق يلطم امواجه
جيت أنا ياقرم وبيدي قيود=جيتك وأنا لا جيت ناصيك حاجة
عندي ثلاثة ايام ومن عندك الزود=وانت الكبير وكل شيء وخراجه
وانت الكريم وبفزعتك ودي اتجود=وأنا تراني شاب بأول زواجه
فارقتها بالليل والعالم رقود=خوفي أشوف الدمع وقت انحراجه
وتكفا انا لا جيت لا اروح مردود=ودي اروح لشيخ ابيض حجاجه
يم الديار اللي على جنب وحدود=باقصى الشمال هناك مع الغرب تاجه
ودي اطالع منظر الطلح والذود=ودي اكيف راس ماشي مزاجه
ودي اطالع منظر السيل بالسود=مع دله وبراد وبالجمر صاجه
وعلى الطرف على الجيب أركزت بارود=وارجع لصيد(ن) شفت يومه تفاجه
ومع حزة المغرب ولو تظرب رعود=اروح اوقف جيب داخل كراجه
و ياكود أقاوم لوعة البعد ياكود=خوفي على عقلي يزيد أرتجاجه
وصلاة ربي عد ماهو بمعدود=وأعداد ذرات الحصى بالعجاجة

وسلامتكم
أخوكم /نايـــف حمــدان الفـــاضلي

صح لسان يانايف كانك ولد حمدان ابن فرحان والله وسبع تنعام ياهل الكرم والنخوه

السلام عليكم ورحمة الله وبركاته

صح لسانك يا أبن حمدان
قصيدة جميلة جداً

وهي من قصائدك التي ألقيتها في مهرجان كلنا الخفجي
وحبت أضيف لك هذا المقطع من قصيدتك
وهو مصور بالجوال من احد الشباب
إلقائك كان مميز
أترككم مع القصيدة
تجدونها في هذا الرابط

http://www.4shared.com/file/109696706/44089c80/___.html

صح لسانك يانايف

مع التحيه والتقدير
نايف الفاضلي
قصيده ذات مواضيع ممتازه
وتحمل بصمه مميزه
لك مني كل تقدير وسلام

دأئماً مميز

بالقصائد وبذاتك

تتنوع وكلها تخرج من بساطة شاعر