أبيات للعتب واللوم ولا أروع (تفـضلوا بالدخـول)

لاتعتذر مال الهجر من تبرير.
وصدك أبليا ذنب والله ضليمه
ماصار لي بعدك يفوق أي تصوير.
تجددت كل الجروح السليمه
بعدك لعب بهاجسي والتفاكير.
وقلبن جريح وروح صبن مهيمه
ماغير أسلي خاطري بالمشاوير.
أروح وأرجع والهواجس مقيمه
ياحبي اللي بين بيض الغنادير.
لك في عروش القلب قدر وقيمه
إن كان صدك ماخذك عني للغير.
روح ولو أن الخساير وخيمه
إن كنها عني خذت المقادير.
فالعفو عند المقدره فيه شيمه
يامرحبا والحب كله معاذير .
تشفع لك أيام الغرام القديمـه
يمه الهواء لازارني منك أعصير .
أضم في صدري من أجلك نسيمه
واليوم أصبر خاطر الوجد تصبير.
وأقول صدك عقب وصلك جريمه

السلام عليكم ورحمة الله وبركاته

يعطيك العافيه على هالقصيدة الرائعة
مع تمنياتي لك بالسعاده

أحسنت وبارك الله فيك

صح لسانك ولاهنت يالغلا