~ مقــــلوبـــة ~
اخباركم ياحلوينوش علومكم مع الاختبارات
اليوم عاد راح اتهور
<<< ارحمينا
وبنزل لكم اليوم اول موضوع لي بالطبخ ويارب يارب يعجبكم
سويت طبخه هي اكيد معروفه بس كل وحدهـ لها طريقتها الخاصه فيها
فحبيت تشوفونها واخذ رايكم ونفيد بعض
بطاطا + باذنجان + زهرة + بندورة + فلفل حار ( شطة قرون )
بصل + ثوم
مكعب ماجي + بهارات + اعواد قرفة + ورق غار + قرنفل ( مسمار او عويدي )
صلصلة
زيت + رز
واكييييد اكيييد مويه
اول شي نقطع الدجاجه وونظفها زين ,, بالنسبة لي خليت عليها الجلد لاني ابي احمرها
وبعدين احطها في قدر في مويه مغليه واخليها تغلي واحط عليها القرفه وورق الغار ووالقرنفل
والملح والفلفل الاسود واتركها لين تستوي
والحين ناخذ الخضار ونقطعها انصاف قمر ماعدا الزهرة طبعاً بس نفكفها عن بعض
وناخذ كل الخضار ونقليها نص قليه ونخليها على جنب
ايه الحين نجيب البصل والثوم ونقطعهم ونح عليهم الزيت ونحمرهم
وبعديها نحط عليها البندورة ومكعب الماجي والبهارت والفلفل الحار <<< حسب الرغبة
يعني اللي مايحب الحار لا يحطه
وبعد ماتتسبك زين نحط فوقها الخضار المقلي
وملقعة صلصلة ونحركهم اشوي اشوي ونخليها خمس دقايق
واخر شي نكون منقعين الرز قبلها بوقت عشان الخضار مستوي نص سوى
وبعدين نحط الرز فوق الخضار بدون تقليب ونصب فوقها مرقة الدجاج وبعدها نخليها تستوي
وترى الدجاج انا ماحطيته مع الخضار
لاني حمرته كذا يكون طعمه احلى
وبعدين نجيب اللي نبي نقدم فيه ونقلبها وراح تكون بالشكل هذا
" ملاحظة " المقادير اللي قلتها على حسب كل وحدة وهي تشوف قد ايش راح يكفي
وبالهنا والعافية
رد مع اقتباس
المفضلات