يعطيك العافيه اخت ليال على الموضوع

وهذه قصيدة الشاعر خالد بن سعود الكبير وهو من الشعار الذين اكن لهم ولشِعرِِهم فائق الاحترام والتقدير

ياخضيـر لا تحتـس منـي وانــا خــوك
لــولاك عـنـدي غـالــيٍ مـــا تـفـوهـت
انا أدري إنـك مـا انـت للمـال مملـوك
أبخصـك بـخـصٍ زيــن كـانـك تنبـهـت
عِرفـي قديـم ولا بـه ظنـون وشـكـوك
نِعـم الحشيـم اللـي أعـرفـه ولا بِـهـت
أبطيت منك وقلت بَوطا علـى الشـوك
بامـزح معـك مـايـن ولا ظنـتـي تـهـت
مزحة صديقٍ قلبه أبيـض مـن البـوك
وانت الفهيم اللـي عـن الفهـم نوَهـت
ياخضير تكرم ما انت شاحذ وصعلوك
عـزيـز نـفـس وعــن هـواهـا تدلّـهـت
لا شك انا في ساحـة الشعـر مشبـوك
أشـرَه علـى مـن عَمّـهـا لا تمهمـهـت
بالـذات لـى مـن لا كهـا بالحكـي لـوك
أقــرب قرايبـهـا وشَـمّـت بـهــا بُـهــت
والقيـل فيـه الميـل والـعـدل مـشـروك
والشعر فيه الشقر والسمـر والبِهـت
والقاف فيه أصناف ماصخ ومحبـوك
وفـيـه الــذي لا مــن قريـتـه تـأوهــت
وفيه الجزاله .. والهزل منـه متـروك
وكـم مـرةٍ عنـدي مـن اجلـه توجّـهـت
ليـه التعالـي يظهـر اليـوم مــن فــوك
وش جـاك للساحـة وللشـعـر سَفّـهـت
لجلـك علـي غـالـي تـكـدرت يـاصـوك
وذي شرهتي ياخضير يومي تشرّهت