قصيده رائعه لفلاح المورقي فالشيخ عيسى بن حمدان

قصيده للشاعر الكويتي فلاح المورقي مهداه للشيخ / عيسى بن حمدان البلوي

يا طيب ابنشدك ما لك ربع ولا نسب

كم واحد منك قدره عندنا معتــلــي

قسمت نفسك على كل الملا والعرب

وشحيت فاللي من الطالات قلبه خلي

كم واحد لجل يكسب صيت ذايع تعب

فالصبح ينحر جمل والليل يذبح طلي

عز الله انه خذا خير القسوم وكسب

منصا لربعه ودايـم مجـلسه مـمتلـي

وانا الذي عند ابن حمدان شفت العجب

الطيـب عنده مله بيـن الاوادم حلـي

عيسى وفعله سوات النور ما ينحجب

الـيا بدا ينـفرد واهـل الردا تنـجلي

وبوه حمدان كاسب نعم طيب وغصب

غصب عن اللي ملا نفسه ظلاله ملي

وخوه منصور لا من تحدا غلب

والحي يحيـيك ولا كمـلوا ما يلــي

لو الاوادم حلي ابعتبرهم ذهب

هذا لو ان البشر مخلوقتن من حلي

ويفداهم اللي للخساير حسب

وجعله ما يقرب منازلهم ولا منزلي


والطيب لو كان له ربع ومقام ونسب

لا شك لا شك ربعه والنسب هم بلي

صح لسان الشاعر فلاح المورقي

ويستاهل ابو حمدان

وشكر لك اخي ابوطه

على هذا النقل

الرائع بارك الله فيك وسلمت يمناك

تسلم على هالنقل ابو طــــــــــه

وصح لسان الشاعر الشاب الرائع /فلاح المورقي على هذه القصيده في الشيخ /عيسى حمدان وكرمه وطيبة نفسه لدى الجميع من قريب وبعيد

ويستاهل هذا الثناء والمديح على مايقوم به اعمال ووقفاته الثمينه مع الغير0

شكراْ /بو طـــــه

يستاهل الشيخ عيسى بن حمدان البلوي المدح فهو مسيره مكمله لأخيه المرحوم

متعب بن حمدان البلوي

واشكرك يالغادي

صح لسان الشاعر فلاح المورقي

ويستاهل ابو حمدان

وشكر لك اخي ابوطه

على هذا النقل

الرائع بارك الله فيك وسلمت يمناك

اللــــــــــه لا يهيــــــــــينك بــــــــــو سليــــــــمان
وعز الله ان ابو حمدان يستاهل والله يبيض وجهه على فعوله الطيبه

والطيب لو كان له ربع ومقام ونسب *** لا شك لا شك ربعه والنسب هم بلي

صح لسان الشاعر الرائع فلاح المورقي والله لايهينك يالعتيبي

عيسى وفعله سوات النور ما ينحجب=الـيا بدا ينـفرد واهـل الردا تنـجلي

صح لسان فلاح المورقي ، وسلمت يمين ناقلها

ويستاهل ابوحمدان
عزالله أنه كفو