بيّض الله وجه أبو احمد علي = راعي النوماس كسّاب الجميل
وارد الصعبات ميّاح الدّلي = مروي العطشان من جم الثميل
الصعيب السهل سقم المبتلي = متعب ركاب المعادي والقبيل
الصعيبه لوصلت له تسهلي = يخزم الصّعبه لما تفيض الدبيل
اشهد انه شيخ شغموم وشلي = واشهد انه ما يعرف المستحيل
محزمه بالطيب محزم ممتلي = يرجح الميزان وبطيبه يميل
أوصفوه بحاتم الطائي بلي = من كثر ذبحه لقعداٍ(ن) وحيل
الكرم والطيب في شخصه جلي = واضحٍ(ن) كا الشمس في وقت المقيل
له يمينٍ(ن) بالعطاء ما تبخلي = تعطي الجزلات ما تمد القليل
وله عوايد ثابته من أولي = تاصل الحضران والبدو الرحيل
مجلسه عامر ونعم المدهلي = لنشاما مركزٍ(ن) بنٍ(ن) وهيل
ولعزم ما يعزم إلا مصمّلي = ناجضٍ(ن) ما يعرف العلم الهزيل
دون ربعه كل شيٍ(ن) يبذلي = يبذل الناموس والحمل الثقيل
للقبيله سيف عز مجملي = والمواقف تشهد بليا دليل
في حفل بن سالم آل مشيعلي = حفلت الباشات في ارض النجيل
مثّل لربعه وهو خير امثلي = عادته كسب الغوانم والنفيل
من علو أليا علو ما ينزلي = شامخٍ(ن) كا الحر في راس الطويل
هذا التنسيق اهداء مني لك يابوخالد وانت وأبو أحمد تستاهلون كل خير