سهم العيون

امس العصر وانا تمشى على الهون = صادفت ريـــــــــمٍ صوبني عيــــونه
سلهم برمشٍ صوب القلب بطعـــــون = وغظى عقب مابينتــــبي طعــــــونه
قام يتبسم والخلايــــــق يراعـــــــون = واثق ولاحســــــب للـــي ينظــرونه
قلت اه ماباقي على الارض مزيــون = هذا الجمـــــال اللي لنــــا يذكـرونه
قالت كريـــزي قلت ماني بمجنـــــون = من شفتكم عقلي صحى من جنونه
واصبحت انا بك يريش العين مفتون = والقلب بسبابك تهــــزهـز اركــونه
قالـــــت تبالــــغ مثلـــكم مايحبــــون = شعـار حتــــــى حبكــــم تنكــــرونه
والحب دنجر واكثر النــاس يـــدرون = ان المحــبه عهـــد محـــدٍ يخــــونه
قلت المحبه ســر بالقلب مصيـــــون = اهل القلوب القاســـــيه يجهلــــونه
سهله عليهــم بالحبايــــب يخونـــون = ينسون عهداً صــــار مايذكــــرونه
قالت وش اللي غيرك صرت فرعون = بدلـــت نظــــراتٍ بعيــنك حنـــــونه
قلت اسمحيلي قصرت نضــرتك دون = ولاعاد في قلبـــي إلحبـــك مـــؤنه
قدباي وانصحـــكم ابـــــد لاتحبــــون = الحــــــــب ياجهــــــال لاتقربــــونه

عمي العزيز عوده

صح لسانك ومرحبا بكم بين ربعك واخوانك ونبي كل القصايد


اهلين عمو

دمت بخير

صح لسانك ابوريان الالبد

قصيده جميله

وحياك الله في منتديات بلي

((((((( نور المنتدى بوجودك))))))

أبـــو ريـان الألبـــــــد ..

أولاً .. أسمحلي أن أحييك بين أبناء عمومتك ..

وكم أتمنى أن تتسع صفحات منتدياتنا لقلمك وما يحمله من عبير مشاعرك ومواضيعك وآرائك الشخصية التي سنشاركك الطرح والإبداع فيها ..

هــذا ولك القلب على هـذهـ الدرر التي أتحفتنا بها ..

أطيب الـمُــنــى ،،

سلمان الـعـــــــرادي

صح السانك يابو ريان..وننتظر المزيد من ابداعاتك

لالبد
ياسر حمدان
سلمان العرادي
ابن الجزل
نشكركم على مروركم وصحة ابدانكم