(وتدور الرحى)
  • قصه
جاني اتصال منها
عندك احد
لا افطرت لحالي زوجي مسافر
كش وليه ماقلتيلي اجي افطر معك
وش ها نشبه اقولك ماصدقت اني لحالي ماخذه راحتي ومامشطت شوشتي وقعدت بلسرير اربع ساعات وناسه وش ابيبك اقعد اطبخ لك بعد
بس وينك الايام اللي فاتت ماسيرتي
لا انا ابيك لحالك
طيب هلا وسهلا انتظرك بعد التراويح
ناظرت له والشحوب يكسوها
وشفيك
مابي شي
الا بك شي وخشتك باين عليه
وامتلئت عينيها بلدموع
افا له له وانا ام محمد
لا لا مابي دموع ياشينك مريم
قوليلي وش صاير
تعرفين السبب
وووه منه هو وخشته انا وشنا قايلتلك ماقلتلك لا توقفين حياتك على رجل
وشلون ما اقدر هو عايش معي
ولا صار يعيش معك اجل عند الجيران اكيد يعيش معك بس هو عايش لنفسه وانت عيشي لنفسك
احسني اختنق ماكان كذا
شوفي اذا تبين تقارين بين الاول والتالي تبين تتعبين
الرجل خلقه الله صياد يحب كل جديد ومجرد يمتلكه ويحس بلامان يفتقد لذهة الشعور بلجري وراء شي جديد
انتي تقولين هاالشي
ايه اقوله ولا انا ماني مره زيك عشان نعيش معهم لازم نفهمهم
تدرين هكليوم بل mbcقالو ان العلماء اكتشفو ان في جينات الرجل استعداد لتقبل اكثر من امراءه في حياته وهم الغرب سموه (خيانه) لكن هنا شرعيا يسمى بلتعدد يعني فطريا الرجل مغير
يعني له اربع اجزاء بقلبه
تمسخرين حظرتك
لاقسم اني احكي جد
طيب وش جيب البرود للتعدد
كنا نحكي ان الرجل بدايت حياته الزوجيه غير بعد سنوات يعني شحنه لك يادوب سنتين اربع وبعدين يطفي
ويبقى ثلاث اقسام
يعني وش قصدك ا شحنه بمره ثانيه عشان يتواصل معي
اياولله شوفي عاد لو كان ثلاث ا قسام مشحونه الا يصيرلك مثل الذيب
ذيب ياكلك انشاء الله
لو بك خير اشحني اللي عندك
شاحن زوجي على وشك يطفي ولا طفاء يدبرها الله انتي وشفيك ماتبين يرجع يهتم فيك
مو بس الاهتمام هو مافيه اي مشاعر جامد
جامد نقعيه بما حار واسلقيه هههه
والله لو اسلقه من اليوم لبكره مانطق
ياطالع يا قاعد على التلفزيون او الانترنت
طيب سوي زيه طالعي التلفزيون ونافسيه على الانترنت اوسيري املي حياتك ولا تقعدين تنتظرينه خليه على راحته اهتمي بنفسك اكثر اعيدي اكتشاف نفسك جددي هويانك اعتبري ياستي انك لسى بنت تصدقين فيه ا رجال الحياه بدونهم احسن
تدرين انك صادقه اصلن انا مو حاسه بوجوده
يازينك كذا ايه ابتسمي بعدي هاالضحكه
عاد هالحين وش تشربين قهوه شاي فيمتو
من شاور ظيوفه ماعشاهم خخخخخخ
لاه رجع خبثك وين المسكينه اللي تو مجدي بك رجلك وبعدين انا معلمتك ها العباره يلحضريه
لا عاد تقولينه ههههه
ههههههه



#############
وتدور الرحى
والحب
نفس الحب
يطحن
ولا تكل اليد
من طحنه
ايام ممله
تتساقط من حياتنا
اه
ايتلبسك
شبحا رمادي
الاتعرف
ان الحياة
لها الوان
لها زمان
لها مكان
هناك الشروق
والغروب
هناك
الحروب
والسلام
تلون
كن بشرياً
ارني
نبض عروقك
ودمك
ايتساوى عندك
الجمر والثلج
البوح والصمت
الجمال والقبح
اغضب دعني
ارنى انك مازلتُ
اسكنك
مازلت اعجبك
اشعل فتيلك
وانفجر
اخبرني
اين انا
من حقي ان اعرف
لا تطحن حياتي
في رحاك
لا تحولني
من انا
الى انت
وتدور الرحى
والحب
نفس الحب
يطحن


جميع ماكتب في هذه الصفحه هو بقلمي يعني جودي 100%

الله يكفينا شر الزلازل تو جتنا هزه استمرت دقيقتين دعواتكم لنا
وتصبحون على الف خير