سلامة سمو الأمير سلطان

ياوطنا عمت عين الحسد والحسود = لانك أغلا وطن عن كل الاوطان غير
انت مهد الرساله عنك كلا يذود = قبلة اهل البسيطه من كبير وصغير
دار الاسلام ماهي داركم يااليهود = صفوة الخلق فيها والمقام الكبير
احكموها السعود الله يعز السعود = احكموها بشرع الله وخيره وخير
احكموها بشرع الله وعدلا يسود = طبقو شرعها بين الغني والفقير
ياوطن جاك غالي له مقام محمود = لجل شوفه حضر راع الغنم والبعير
جاك سلطان جعله دائما فالوجود = طيب الخلق سمح الوجه حاكم وأمير
لجل شوفه لفت كل البشر والوفود = ولجل سلامته كلا يذب المسير
ولجل شوفه سمانا ممتلي بالورود = ولجل شوفه فرشنا الارض قطن وحرير
نحمد الله ربي في ركوع وسجود = والتهاني بعودة سيدي تستنير
ياولي العهد حبك سطاء بالكبود = يشهد الله ويشهد فيه جمعا غفير
وقفتك من نساها يوم قدح الزنود = يوم ضرب القنابل بالنهار العسير
يوم هليتها مثل البرد والرعود = ورعدت من سماها صبح والا عصير
يوم خانوا منقضت الذمم والعهود = قال مال القشر غير النهار القشير
حب سلطان فقلوب الاوادم يزود = اعذروني لياء من قلت ماله نظير