هي غلطتي ولا الزمن دووم غلطان

هي غلطتي والا الزمن دوم غلطان
منك العتب ؟ والا العتب من زماني

ياليتها غربه وادوّر لـــي أوطان
ياليتها دمعــــه وتنسى زماني

ياليتها كلمه وادوّر لي إنسان
ياليتها ساعه واعدّ الثواني

كل العمر وأنا مع الهم خويان
لاضاق صدره زارني وابتلاني

ـأحيان أحس الحزن .. لـ أجلي وأحيان
أقول هذا الحزن مـــــاهو عشاني

أكذب عليك إن قلت عايش وفرحان
واكذب عليك ان قلت موتي كفاني

من ياخذ همومي ويعطيني إنسان
ماجاه مثل اللي من الحزن جاني

المشكله ماهي بغلطه وندمان
المشكله ليه الوفاء دوم فاني

صوره وملت منها الجدران
ورده وذبلت ومن قطفني رماني

كل آدمي يفرح وتنساه الأحزان
الا .. انا .. عمر الحزن مانساني

ماعاد باقي بالعمر كثر ماكان
والصمت يقتل فرحتي والأماني

هات الحزن مادامها احزان بـ أحزان
هات الحزن دام الفرح مالقاني

ياليل وين الصبح كل يوم سهرـآن
ـأسهر وحزني يحتوي كل مكاني

يابلاد عمري مابقا فيك سكان
ويادمع عيني من بقى مابكاني ؟

وياقسوة الأيام حِنّي بـ (ـإنسان )
لو راح كيف تلقين (ـإنسان) ثاني

قصيدة جميلة ولكن تحمل بعض ابياتها الكسر والعسف

حياك الله ونتمنى لك التوفيق

من شروط النشر بقسم الشعر الشعبي
http://www.bluwe.com/bluwe/showthread.php?t=20720

7 ـــ للحفاظ على حقوقك الأدبية اكتب بإسمك الحقيقي ويمنع منعاً باتاً بعد طرح هذا الموضوع إستقبال أي شاعر بإسم مستعار


وهذه القصيده منشوره بمنتديات كثيره وبأسماء مختلفه


جريح الماضي

كوكب الزهراء

السوسه

ساره

دلع رباني

عاشق


وأسماء كثره

.. وانت نشرتها بقسم الشعر الشعبي وليس بالقسم المخصص للمنقول ولم تذيلها بــ ( منقول ) وبهذا يتضح لنا بأن القصيده ليست لك

وانها ( مسروقه )


الرجاء الكتابه بالأسم الحقي أن كنت تدعي بأن هذه القصيده لك مع التوضيح بما يثبت ذلك

والا سوف ننقلها لقسم المنقول . وشكراً

بصرحه قصيده مافيه احلى منها ومن قال فيها عسف بعض الابيات ياخي يجيب زيها وله منا هديه

[quote=عبدالرحمن بن سهيه;525508]بصرحه قصيده مافيه احلى منها ومن قال فيها عسف بعض الابيات ياخي يجيب زيها وله منا هديه وياليت الشاعر يعرفنا على نفسه

شكرا لكم ع المروررررررررر وبالفعل القصيده منقوووووله