خيمة اخت الجود

جاء صباح العيد واول ماقمت رحت لك بعد ماطلعت الممرض من عندك طلعت ملابسك وجهزتها وناديت الممرض وقمنا بتسبيحك البستك ثياب العيد ومشطت لحيتك الطاهره وارجعناك الى سريرك قبلت جبينك اللذي بريح المسك
وقلت: عاد عيدك وكل عام وانت يابوي بخير
اومئت لي بعيينيك وفرحت لحظتها انك تجاوبت معي فمرت شهور وانت لاتعرفني ولا تتذكرني
ابتسمت هاه يبه عرفتني
ولم ترد علي
هاه يبه انا اللي دايم تقوله يامحلات شوفت ## وحنا عليها مشافيقي
والقلب من يمها يرفس تومي عليه المعاليقي
تذكر يبه كنت قلته يوم رحتو عني للحج انت وامي ودايما تقوله لي يوم ازعل
هاه يبه تذكرت
ولم يصدر منك جواب
شف يبه الله وفقنا وهاذهو قعدتنا راح يملك مع اهلي مو كنت دايما تدعي ان الله يمد بعمرك لحد ماتشوف ان كلنا متوفقين
هاه يابوي لو جتني بنت ايش اسميها
ومارديت
يبه بس تكلم والله لاسميه نفس اللي تبي

بعد لحظات تمتمت بكلمات لم اسمعها ويوم قربت لك عدته سسسامحوني
تحجرت دموعي في عيني
ليش يبه وش عليه نسامحك00
لا يبه لاتقول الكلام هذا
ورجعت تردده سسسامحوني
لا ياببه انت سامحنا والله يابوي طول عمرك ماقصرت وماخليت علينا لازم انت رافع راسنا وعازنا ومنت مقصر علينا لاتقول هاالكلام ياحبيبي
يابوي سامحني انا على قصوري معك يابوي سامحني ان غلطت يوم عليك يابوي سامحني على عنادي يابوي جعلني فداك لاتقول هالكلام
ام انت يابوي كنت لنا احسن ابو يبه انت الحنون العطوف
(تذكر يبه شلون ضمتني ودموعك تجري يوم ضعت بمكه وانا عمري عشر سنين )
اذكر يبه بحياتي مره وحده ضربتني وبعده رضيتني وحتى البكا بكيت واشتريتلي طقم ذهب انا دايم لي الدلال تذكر انا واسطت اهلي اذا يبغون منك حاجه ماكنت ترفضلي طلب
يبه ان كان هناك احد يسامح فهو انت يابوي سااااااااااااامحني يابوي
تعلقت عيناي بك ووجدتك نائم
بعد فترت العصر ممرتت عليك ووجدت العرق يتصبب من جبينك استدعينا الدكتور وطمئننا انه شي بسيط وانك بصحه جيده
عشيتك يابوي وماتركتك الا الساعه ثلاث فجرا وياليتي ماخليتك ياليتني ماغفيت ومانمت بس كان عندك الممرض وما قدرت
صحتني اختي اللي كانت جلست معي وقالت قومي ابيك
واول ماجا ببالي اببببوي
اطلبي له الحل
ابي اشوفه
خلاص خذوه ودوه المستشفى
لا ابي ابوي00 ابي0 ابوي



وكل ماجت مناسبه دينيه وثاني العيد اتذكر ابوي ربي يرحمه ويغفر الله


يبه شلونك ملل هالكون من دونك
يبه شلونك وتمضي رحلة الدنيا
بليا طلة عيونك
اشيلك داخلي جمره ..وبعيون الحزن عبره..تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملل هالكون من دونك

و انا عندي امل للحين !! ... و لا كني اعرفك وين !!
يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه امي تذّكرنا ... بأيامك قبل ما تروح ... تناديها.. يا روح الروح ..

يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي
ملل هالكون من دونك

مقتطفات من شعرالشاعر مسفر الدوسري



وبعد هاالذكرى مافيه ذكرى اهد خيمتي وانزل عمدانه واستأذنكم بالرحيل من هالخيمه الى فضاء ارحب متمنيه من الله ان تكون خيمه جادت عليكم بلمفيد والممتع والخير
وانا بتنكم اخت الجود اودعكم الى لقاء اخرمن مضارب عرب النثر في رمضان القادم ان الله احياني واحياكم واقدم الشكر لشيخين المضارب خالد السحيمي وحروف السلطان
وجميع من شاهد لي حرف