من اللي مزعج أمي يعترف بسرعة ؟!!!

مراحب اعضاء منتدى بلي الكرام

ياكثر ما تجينا الإزعاجات حنا يالبنات على الجوال
من شخص قليل أدب ويقعد يعلق لك على الجوال إذا سمع صوت البنية
وهذا الموقف اي بنت متعرضة له
انا بالنسبة لي الحل مرة مرتين بالكثير اقفل والثالثة احول المكالمة على اخوي أو إذا قريب مني اعطيه يرد .
كنت اسولف عن مثل هالمواقف قالت لي صديقتي ماشاء الله تعطينه أخوانك قلت وين الغرابه قالت : والله كان يسوي لي سالفة
طيب ليش يسوي لك سالفة مو انتِ المتصلة ؟
كذا يمكن اخوها من النوع الشكاك
ويمكن ويمكن ( الله اعلم )
هل هو عدم ثقة بأخته وإلا بزوجته ؟
طيب أختك اللي رباها رباك ونفس تربيتك وعارفها ,, ليش الشك القاتل ؟!!!
وإذا زوجتك أكيد ماارتبطت فيها إلا وأنت واثق بتربيتها زيت نفس السؤال ليش الشك المميت ؟!!!
لا تقول لو ملقى الشخص استجابة منها ما كان تجرأ ،، لأن فيه من لا يستحي ولا يخاف ربه .
والله أمي امرأة تجاوزت الخمسين وممتحنها على جوالها شاب تقول من صوته صغير يقول ابي تعرف عليك ؟ تدرون ايش قالت له : ( هاك الطقة انا عجوز واتحداك تجي ) الله يسعدها ضحكتني :d

برأيك لو تعرضت إحدى محارمك لإزعاج , ما الحل اللي طرحه عليها ؟
طيب لو ما قالت لك إلا بعد فترة من الإزعاج ؟ عادي عندك الوضع ؟وإلا راح تلومها وتقول ليييييش ما قلتي لي من الأول حتى لو إنها ماتبغى تزعجكم ؟
طابت أوقاتكم بالرضا والسعادة
أختكم / خيالة بلي